Црква „Св. Врач“ - Лугунци

црква во Лугунци, Мегленско, Егејска Македонија

Свети Врач или Свети Бессребреници Кузман и Дамјан (грчки: Άγιοι Ἀνάργυροι) — преродбеничка црква во селото Лугунци, Мегленско, Егејска Македонија. Влегува во состав на Воденско-постолско-мегленската епархија на Цариградската патријаршија.[1]

Свети Врач
Άγιοι Ἀνάργυροι
41°6′29″N 22°15′54″E / 41.10806° СГШ; 22.26500° ИГД / 41.10806; 22.26500Координати: 41°6′29″N 22°15′54″E / 41.10806° СГШ; 22.26500° ИГД / 41.10806; 22.26500
МестоЛугунци, Мегленско
ЗемјаЕгејска Македонија, Грција
ВероисповедЦариградска патријаршија
Архитектура
Архитектонски типтрикорабна базилика
Стилпреродбенички
Изградба1863
Управа
Архијерејско намесништвоС’ботско
ЕпархијаВоденско-постолско-мегленска

Црквата е гробишен храм, сместен југозападно од селото во меснота Селиште.[1] Црквата е изградена во 1863 г. што се гледа од надвлезниот натпис.

ούτος ο ιερός ναός των Αγίων Αναργύρων εκτίσθη κατά το έτος 1863, υπό της Κοινότητος Λουγγούντσης και επί αρχιερατεύοντος Αγίου Μογλενών και Φλωρίνης κ.κ. Προκοπίου.
Превод:

Овој свет храм на Светите Бессребреници се подигна во годината 1863 од заедницата на Лугунци за време на архијерејството на светиот г. г. Прокопиј Мегленско-лерински.[2]

Грабата претставува трикорабна базилика со два влеза на јужната страна, каде е женската црква. Покривот е направен со камени плочи, а на источниот крај од јужната странаима камбанарија. Југоисточно од камбанаријата е откриен римски натпис, а на неколку метри од црквата е најдена мермерна статуа на маж од истиот период.[1]

Таванот и иконостасот се дрвени, а женската црква служи како костурница. Црквата е зографисана — се издвојуваат мачеништвото на Света Злата Мегленска, Света Злата, Зосим, преподобна Марија Египетска, смртта на праведникот и грешникот, судот на Пилат, обесувањето на Јуда и камшикувањето на Христос.[1]

ПоврзаноУреди

НаводиУреди

  1. 1,0 1,1 1,2 1,3 „Άγιοι Ανάργυροι στη Λαγκαδιά“. Βάση Δεδομένων για την Ιστορική κληρονομιά της Αλμωπίας - Lhi-Lna. Посетено на 20 април 2018.[мртва врска]
  2. „Η Λαγκαδιά“. Δήμος Εξαπλατάνου. Посетено на 16 јуни 2014.