Црква „Св. Архангели Михаил и Гаврил“ - Нестрам
Свети Архангели Михаил и Гаврил (грчки: Ταξιαρχών Μιχαήλ και Γαβριήλ) — црква во селото Нестрам, Костурско, Егејска Македонија. Влегува во состав на Костурската епархија на Цариградската патријаршија.[1][2]
| Свети Архангели Михаил и Гаврил | |
|---|---|
| Ταξιαρχών Μιχαήλ και Γαβριήλ | |
 Поглед на црквата | |
 | |
| 40°25′1″N 21°3′26″E / 40.41694° СГШ; 21.05722° ИГД | |
| Место | Нестрам, Костурско |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Архит. тип | трикорабна базилика |
| Завршена | 1858 |
| Управа | |
| Архијерејско намесништво | Нестрамско |
| Епархија | Костурска |
Храмот се наоѓа во маалото Горнени. Изграден е во 1858 г. Претставува голема трикорабна базилика со шест мали надолжни куполи.[1] Изградена е од месни мајстори на местото на постар храм користејќи делкан камен.[2] До 1950 г. во неа се чувала уникатна дрвена статуа на Свети Ѓорѓи, слична на онаа во „Св. Ѓорѓи“ во Галишта. Денес за неа се знае само од описи.[3] Во црквата стои забележителен дрвен иконостас со фина резба и вредни икони од XIX век.[4] Во храмот се зачувани и два проскинитара со впечатлива резба, од кои на десниот има исклучлително вредна икона на Богородица од 1780 г, дело на зограф од Линотопи со дарителски натпис на линотопоското семејство Димитриу.[1]
Во 1971 г. е изградена нова камбанарија, на поинакво место од старата. Сместена е на западната страна на храмот и претставува многуаголна камена градба со две камбани.[2]
Галерија уреди
-
Икона на Архангел Михаил од XVIII век -
Икона на Архангел Михаил
Поврзано уреди
Наводи уреди
- ↑ 1,0 1,1 1,2 „Το χωριό μας“. Πολιτιστικός Σύλλογος Νεστορίου «Νέστωρ». Посетено на 31 јануари 2021.
- ↑ 2,0 2,1 2,2 „Εκκλησίες του χωριού μας“. Πολιτιστικός Σύλλογος Νεστορίου «Νέστωρ». Посетено на 1 февруари 2021.
- ↑ „Φως της Καστοριάς“. 6 ноември 2013. Посетено на 10 јануари 2015.
- ↑ „ΤΑΞΙΔΙΩΤΙΚΟΣ ΟΔΗΓΟΣ: ΝΕΣΤΟΡΙΟ“. 14 октомври 2011. Архивирано од изворникот на 2015-01-11. Посетено на 10 јануари 2015.
Надворешни врски уреди
Црква „Св. Архангели Михаил и Гаврил“ - Нестрам на Ризницата ?
