Цикасови

Cycadophyta Период: Ран Перм - денес
Cycas revoluta со соцветие.
Научна класификација
Царство:	Plantae
Оддел:	Cycadophyta
Класа:	Cycadopsida
Ред:	Cycadales Dumortier
Фамилии
Cycadaceae фамилија на цикас Stangeriaceae фамилија на стангерија Zamiaceae фамилија на замија

Цикасовите растенија се стара група на семени растенија кои се одликуваат со голема круна од сложени лситови и кратко стебло. Тие се зимзелени, голосемени и дикотиледонски растенија. Често се мешаат со палмите или папратниците, но не се поврзани со ниеден од нив, а припаѓаат на одделот Cycadophyta.

Цикасовите растенија се распространети во суптропските и тропските делови на светот. Тие може да се сретнат во Јужна Америка, Средна Америка (каде се најраспространети), Австралија, Тихоокеанските Острови, Јапонија, Кина, Индија, Мадагаскар и во јужниот и тропски дел на Африка, каде постојат 65 видови. Некои од цикасите се приспособени за живот на сурова полупустинска клима и можат да растат на песочна, па дури и карпеста подлога. Може да се изложени на директно Сонце или сенка, а некои се и толерантни на солена вода или почва. Цикасовите растенија се мала компонента на царството на растенијата денес, но за времето на диносаурусите тие биле доста застапени. Од овие растенија се прави саго.

Тие се специјализирани опрашувачи, а влегуваат во симбиоза со цијанобактерии при што го врзуваат слободниот азот од атмосферата. Цијанобактеријата со која е цикасот во симбиоза произведува невротоксин наречен BMAA кој се содржи во плодот на цикасовите растенија.

Постојат околу 289 видови, 11 родови и 3 фамилии цикасови растенија:

Подред Cycadineae

Фамилија Cycadaceae

Потсемејство Cycadoideae

Цикас. Има околу 90 видови во светот, од Африка до јужна Јапонија, Австралија и западните Тихоокеански Острови; Тип: Ц. цирициналис L.; Поврзано Ц. пруиноса и Ц. револута

Подред Zamiineae

Фамилија Stangeriaceae

Потсемејство Stangerioideae

Стангерија. Еден вид во јужна Африка; Тип: Странгерија

Потсемејство Bowenioideae

Бовенија. Два вида во Квинсленд, Австралија; Тип: Б. спектабилис

Фамилија Zamiaceae

Потсемејство Encephalartoideae

Племе Diooeae

Диоон. Десет видови во Мексико и Средна Америка; Тип: Д. едуле

Племе Encephalarteae

Потплеме Encephalartinae

Енцефалартос. Околу 60 видови во југоисточна Африка; Тип: E. фридеричи-гуилиелми, E. трансвенозис (Моџаџи цикас)

Потплеме Macrozamiinae

Макрозамија. Околу 30 видови во Австралија; Тип: M. ридлеи

Лепидозамија. Два вида во источна Австралија; Тип: Л. перофскјана

Потсемејство Zamioideae

Племе Ceratozamieae

Кератозамија. Дванаесет видови во јужно Мексико и Средна Америка; Тип: Ц. мексикана

Племе Zamieae

Потплеме Microcycadinae

Микроцикас. Еден вид во Куба; Тип: M. калокома

Потплеме Zamiinae

Чигуа. Два вида во Колумбија; Тип: Ч. рестрепои

Замија. Околу 60 видови во Новиот Свет од Џорџија, САД до југот на Боливија; Тип: З. пумила; Поврзано З. фурфурацеја.

Надворешни врски

• Цикаси - Фотоколекција Архивирано на 27 септември 2007 г.