Царев Врв

планински врв во Македонија

Царев Врвпланински врв на Осоговските Планини во Република Македонија, висок 2.084 метри[1]. Познат е и според неговиот турски назив Султан Тепе.

Царев Врв
(Султан Тепе)
Поглед на Царев Врв од правецот на Пониква
Највисока точка
Надм. вис.2.084 м
Координати42°07′N 22°27′E / 42.117° СГШ; 22.450° ИГД / 42.117; 22.450Царев Врв на Google Maps
Географија
Царев Врв
(Султан Тепе) на карта

Карта

Матичен венецОсоговски Планини
Искачување
Прво освојувањенепознато
Најлесен патПониква - Царев Врв

Правци за искачување

уреди

На Царев врв искачувањето може да се изврши од две страни: од кривопаланечкиот манастир Св. Јоаким Осоговски и од Кочанско преку Пониква.[2]

Од Крива Паланка до манастирот Св. Јоаким Осоговски се патува пеш или со сопствено возило по асфалтен пат во должона 3 км. Маркацијата ПМ започнува од манастирот и спрема Царев Врв води преку селото Варовиште, Ловечка куќа и Калин Камен. Од Ловечката куќа до врвот се оди по ливади. Планинарската патека е долга околу 25 км во еден правец за кои ви се потребни 5 часа. Покрај патеката има повеќе извори и чешми, а таа е просечно напорна.

Откај Кочанско маркацијата ПМ започнува од крајот на Кочани, крајот на улицата “14-та бригада“ продолжува под градската депонија, над село Црвена Нива минува преку пошумен дел со бреза и бор сè до асфалтот, минува покрај чешмата З’мбoва. Потоа продолжува покрај Дл’га ридина сè до асфалтот. Сечејќи го асфалтниот пат продолжува преку Лешки рид. Некаде 500 метри пред Шумската куќа на ЈП Македонски шуми излегува на асфалтен пат, продолжува по него. После 200 метри од Шумската куќа се напушта асфалтниот пат (десно), се продолжува по стариот пат за Пониква. Од Кочани до Пониква потребни се 5 часа. Оние кои имаат сопствено возило можат да дојдат до Пониква која е оддалечена 20 км, по асфалтен пат.

Од Пониква патеката за Царев врв продолжува по широкиот колски пат со една кратенка кај бачилото поранешната земјоделска задруга “Галеб“ - Тркање, некаде половина час пред врвот се напушта широкиот пат (десно) и се оди по ливади. Патеката е добро маркирана. Во вториот дел од патеката треба да се внимава на раскрсниците, бидејќи ги има доста. За овој дел од патеката ви се потребни 5 часа.

Галерија

уреди

Поврзано

уреди
  • Цари Врв (или Царев Врв) — врв на планината Славјанка (Али Ботуш) меѓу Пиринска и Егејска Македонија

Наводи

уреди
  1. „Студија за геодиверзитетот и геонаследството на Република Македонија и другите компоненти на природата (биолошка и пределска разновидност)“ (PDF). Скопје: Министерство за животна средина и просторно планирање. 2016. стр. 102. Посетено на 16 јануари 2024.
  2. „ИСТОЧНА МАКЕДОНИЈА, ОСОГОВСКИ ПЛАНИНИ, www.mkdmount.org“. Архивирано од изворникот на 2011-10-25. Посетено на 2011-03-21.