Хотел Полонија Паласт

Хотел Полонија Паласт е хотел во Лоѓ, Полска.

Хотел Полонија Паласт
Општи податоци
Координати	51°46′17.14″N 19°27′48.32″E
Портал
polonia.centrumhotele.pl

Историја

Хотелот Паласт бил изграден во периодот од 1910 до 1912 година, на тогашната раскрсница на улиците Џиелна и Виџевска. Идејата за изградбата ја дале семејството Добржински. Фасадата на хотелот ја дизајнирал Рудолф Колох од Вроцлав. Издигнувањата имале класицистички стил со прекини на жлебови полуколони. На нив стоеле алегориски фигури на жени во антички носии.

Зградата била мошне модерна за својот период, бидејќи имала централно греење, електрична светлина, лифт, хемиско-електрична перална, телефони, проточна вода и обемна опрема. По Првата светска војна, сопственици на хотелот биле браќата Леополд Добржински и Мориси Добржински. Во 1920-тите, за време на генералната рестарвација, името било сменето во Полонија Паласт. Во 1939 година, името повторно било променето, овој пат во Полонија. По Втората светска војна, зградата била окупирана од Црвената армија и таму била поставена воена болница.

Во јануари 1946 година, хотелот бил предаден на градските власти, кои го дале на управување под хотелот Миејские. Објектот бил целосно реновиран во периодот од 1969–1972 година. Аркадите се создадени долж фасадата на зградата и раскрсницата на улицата Килински и улицата Нарутович.

Во 2009 година било завршено општо реновирање. И фасадата и внатрешноста на зградата беа реновирани. Покрај враќањето на стариот изглед, одлучено е да се врати името Полонија Паласт.