Форе (шведски: Fårö) — мал остров во Балтичкото Море, северно од островот Готланд во југоисточниот дел на Шведска. Ова е втор остров по големина во покраината. Населението брои помалку од 600 жители, но местото сепак ужива популарност како летувалиште. На островот нема банки, пошти, здравствени установи и полиција. Има свој дијалект, кој се смета за најстариот јазик во Шведска.[2]

Форе
Fårö
Остров
Карпести столбови на Форе
Земја Шведска
Округ Готланд
Општина Готланд
Место Балтичко Море
 - координати 57°56′N 19°09′E / 57.933° N; 19.150° E / 57.933; 19.150
Површина 113,30 км2 [1]
Форе во крајниот североисточен дел на карта на Готланд
Форе во крајниот североисточен дел на карта на Готланд

ГеографијаУреди

 
Голанд во рамките на Шведска

Островот е одделен од Готланд со проток, преку кој одат два траекта. Има вкупна површина од 111,35 км2, од кои 9,7 км2 се водни површини или мали островчиња.

На островите Форе и Готланд има карпести столбови наречени „рауци“ образувани од одрони во текот на Леденото доба. Вакви образби можат да се најдат само на овие два острова.

Во филмската уметностУреди

Шведскиот режисер Ингмар Бергман провел дел од животот во Форе, каде и починал. Тука се снимени неколку негови филмови, меѓу кои: „Низ нејасно стакло“ (1961), „Персона“ (1966), „Часот на волкот“ (1968), „Срам“ (1968), „Страст“ (1969) и „Сцени од еден брак“ (1972).[2] Секој јуни се одржува „Бергманов фестивал“ во чест на режисерот.

Филмот „Жртва“ на Андреј Тарковски бил предвиден да се снима на Форе, но војската одбила да даде дозвола и затоа филмот е сниман во Нер, југоисточен Готланд.

ТуризамУреди

На островот секоја година во септември се одржува настанот „Форевски вечери“ (Fårönatta) кога рестораните и баровите работат цела ноќ, на тезги се нудат ракотворби a црквата одржува полноќна миса.[2]

РеониУреди

СветилникУреди

На североисточниот крај на островот се наоѓа светилникот (Fårö Fyr). Висок е 30 м, а изграден е во 1847 г.

ЛангхамарУреди

Лангхамар е полуостров во северозападниот дел на Форе. Се одликува со карпести плажи и карпести монолитни образби наречени „рауци“. На полуостровот е сместен истоимениот природен резерват Лангхамар. Дејството на филмот „Низ нејасно стакло“ на Ингмар Бергман се случува во Лангхамар.[2]

ДигерхувудУреди

Природниот резерват Дигерхувуд во себе содржи и рибарско село. Местото не е погодно за пливање поради наглата длабочина (до 80 м) и силните струи. Меѓутоа од истата причина резерватот е популарен за нуркање и спортски риболов.

СудерсандУреди

Долгата песоклива плажа Судерсанд се наоѓа североисточниот дел на Форе, веднаш до Сундерсандското одморалиште, каде се изнајмуваат бунгалови.

НаводиУреди

  1. „Статистички годишник 2011“. Централна статистичка служба. стр. 12. Архивирано од изворникот (PDF) на 5 јули 2011. Посетено на 5 јули 2011. (шведски)
  2. 2,0 2,1 2,2 2,3 Пергамент, Даниел (7 октомври 2007). „Маѓепсаниот остров - дом на Бергман“. New York Times. (англиски)

Надворешни врскиУреди

ГалеријаУреди

Координати: 57°56′N 19°09′E / 57.933° N; 19.150° E / 57.933; 19.150{{#coordinates:}}: не може да има повеќе од една главна ознака по страница