Тимфи

планина во Епир

Тимфи (грчки: Τύμφη, Тимфи) – планина во северниот дел на округот Јанина, дел од веригата Пинд. Во реонот на Тимфи се наоѓа областа Загори. Врвовите на Тимфи се издигаат над 2400 m надморска височина. Планината е шеста по височина во Грција и е долга 20 – 25 км во правец исток-запад, и ширина 15 км север-југ. На Тимфи извира Високо, притока на реката Војуша.

Тимфи
Τύμφη
Tymfiwestface.jpg
Поглед на западната страна на Камила во лето
Највисока точка
Надм. вис.2497 м [1]
Истакнатост1266 м [2]
Координати39°58′54″N 20°48′54″E / 39.98167° СГШ; 20.81500° ИГД / 39.98167; 20.81500Координати: 39°58′54″N 20°48′54″E / 39.98167° СГШ; 20.81500° ИГД / 39.98167; 20.81500[3]
Географија
МестоОкруг Јанина, Епир, Грција
Матичен венецПинд
ТопокартаHMGS Tsepelovo; Anávasi Topo 50 Pindus Zagori
Геологија
Старост на карпатапалаеоцен-еоцен
Видвенечна планина
Искачување
Прво освојувањенепознато; прво регистрирано искачување: 1956
Најлесен патпрошетка

Највисок врв на планината, Камила (Гамила), се издига на 2497 м, а Гура со 2467 м и Астрака со 2432 м ја пополнуваат водечката тројка. Во масивот на Тимфи, на неговата јужна страна, се наоѓа клисурата Високо со должина од околу 20 км, променлива длабочина од 450 до 1 600 м, како и ширина од 400 м до само неколку метри во најтесниот дел[4]. Се смета за најдлабока клисура или кањон на светот според Гинисовата книга на рекорди.[5] Клисурата Високо, заедно со соседната на Војуша, го образуваат Националниот парк Високо-Војуша во северниот дел на Тимфи.

Особена карактеристика на ова подрачје се природните базени настанати со ерозија на локални струи.[6] На највисоки надморски висини на планината Тимфи се наоѓаат голем број алпски езера и ретки видови водоземци кои главно живеат на планинските пасишта. Најголемо езеро во паркот е Драколимни, формација која настанала после повлекување на ледници[6], а се наоѓа на надморска висина од 2.050 м. Површината му е околу 1 хектар, а најголемата длабочина изнесува 4,95 м.[7]
На просторот на селото Папинго во близина на врвовите Гамила и Астака, во рамки на националниот парк, се наоѓаат голем број јами и пештери. Некои од нив ги добиле имињата од старогрчката митологија, како што е пештерата Одисеја и Епската Провалија. Пештерата Проватина е длабока 408 m, што ја прави една од најдлабоките пештери на светот. Била откриена во 1965 година од страна на британскиот спелеолог и од тогаш била истражувана повеќепати. Длабочината на Епската Провалија е 451 метар и таа црпи вода од подземни извори.[8]

ПоврзаноУреди

Надворешни врскиУреди

  1. Salmon, Tim; Cullen, Michael (2006). The Mountains of Greece: Trekking in the Pindhos Mountains (изд. 2nd.). Cicerone. стр. 209. ISBN 978-1-85284-440-0.
  2. Prominence is calculated from Petter Bjørstad's site, after correcting the height of Gamila to 2497m instead of the 2481m erroneously mentioned in the site
  3. Data from Geographic.org
  4. Amanatidou, Despoina (2005). „A case study in Vikos-Aoos National Park – Greece“ (PDF). Универзитет Фрајбург. Посетено на 2017-03-08.
  5. Guinness World Records 2005: Special 50th Anniversary Edition. Guinness World Records. 2004. стр. 52. ISBN 978-1-892051-22-6.
  6. 6,0 6,1 Paschos, Nikolaou, Papanikos (2004). стр. 15.
  7. Denoël, Mathieu; Schabetsberger, Robert (2003). „Resource partitioning in two heterochronic populations of Greek Alpine newts, Triturus alpestris veluchiensis“ (PDF). University of Liège, Belgium. University of Salzburg, Austria; Acta Oecologica. 24: 55–64. doi:10.1016/S1146-609X(03)00043-2. Архивирано од изворникот (PDF) на 13 мај 2016. Посетено на 2 ноември 2009.
  8. Paschos, Nikolaou, Papanikos (2004). стр. 16.