Таунус (германски: Taunus) — низок планински венец во покраината Хесен, Германија што претставува дел од Рајнските Шкрилни Планини. Опкружен е со речните долини на Рајна, Мајна и Лана. Од другата страна на Рајна, планините продолжуваат во ниската верига Хунсрик. Самите планини се протегаат во окрузите Горен Таунус, Мајна-Таунус, Рајнгау-Таунус, Лимбург-Вајлбург, и Рајна-Лана.

Голем Фелдберг - највисока планина на Таунус
Местоположба на Таунус во рамките на Германија

Највисок врв е Голем Фелдберг (Großer Feldberg) со 878 м. По него следи Мал Фелдберг (Kleiner Feldberg) и Алткениг, каде има остатоци од ридско утврдување (градиште) од доцното железно време (~ 400 п.н.е.) близу врвот.

Во римско време, преку планината се протегала границата на царството. Денес во Залбург има обновена римска тврдина со музеј. Со падот на римскиот лимес во 259/260 г., местото го населиле Алеманите, за што сведочат алеманските гробишта на јужните падини. Со Битката кај Толбијак (496), подрачјето потпаднало под власта на Франките.

Највисоки планиниУреди

ГалеријаУреди

Надворешни врскиУреди

Координати: 50°13′55″N 8°27′26″E / 50.23194° N; 8.45722° E / 50.23194; 8.45722