Шаховски турнир во Линарес

Шаховски турнир во Линарес — шаховски турнир, кој се одржува секоја година на крајот на февруари во шпанскиот градот Линарес, по кој и го има добиено името. Турнирот е опишуван како шаховскиот Вимблдон и заедно со шаховските турнири во Вајк ан Зее и Дортмунд е еден од најсилните шаховски турнири.

Одржувањето на турнирот е поддржано од страна на шпанскиот стопанственик Луис Ренторо.

Историја

Статии од категоријата Шах

Првиот турнир бил одржан во 1978. Во тоа време, турнирот не бил привлечен за врвните шахисти, па на воведнуиот турнир победил релативно непознатиот Швеѓанец Јан Елсон, пред Аргентинецот Роберто Дебарно. Турнирот се одржувал секоја година до 1987, кога истиот не се одржал, поради тоа што градот Линарес бил домаќин на завршниот меч од турнирот на кандидатите, во кој се спротивставиле Анатолиј Карпов и Андреј Соколов, при што победникот од овој меч требало да го предизвика светскиот првак Гари Каспаров на меч за светски првак. Одложениот турнир од 1987 се одржал во 1988, па оттогаш турнирот се одржува секоја година, со исклучок на 1996, кога Луис Ренторо бил вклучен во одржувањето на мечот мечот за светска првенка меѓу Жужа Полгар и Сје Жун.

Во 1989, за првпат натпреварувачите од Советскиот Сојуз можеле да бидат повикани лично. На турнирот биле испратени покани до пет советски шахисти, наместо до два, со што просечниот рејтинг на турнирот се зголемил. Сепак, на турнирот во 1989 настанал голем конфликт. Имено, назначувањето на Виктор Батурински за главен арбитар на турнирот, предизвикало незадоволство кај шаистите од Советскиот Сојуз, кои настапувале под знамето на други земји, пред сè Корчној и Гулко. Ова довело до навреда, уште за време на првуиот ден од турнирот, па Виктор Корчној го напушил Линарес, уште за време на одржувањето на првиот круг на натпревари. Од натпреварувачка гледна точка, турнирот бил битка меѓу Анатолиј Карпов и Василиј Иванчук. Иванчук бил поуспешен и победил на турнирот.

Во 1990, за првпат на турнирот настапил светскиот првак Гари Каспаров. Неговите подготовки не биле на посакуваното ниво, бидејќи тој морал да му помогне на семејството од Баку да пристигне во Линарес. Сепак, го платил износот за учество од 30.000 $ и победил на турнирот.

Ренторо, кој бил противник на кратките реми партии, на учесниците им понудил парични награди за подолгите партии.

Турнирот во 1992 се одликувал со тоа што учествувале десетте најдобри шахисти во светот. Со тоа, турнирот станал Вимблдон на шахот. На турнирот победил Каспаров, кој ги победил сите кандиадти за титулата светски првак во шах: Тиман, Карпов, Јусупов и Шорт.

Во 1998, организацијата на натпреварите се променила, од Бергеров систем, во кој секој играл по една партија, во турнир на кој учествуваат седум шахисти, кои во Бергеров систем играат по две партии (една со бели и една со црни фигури).

Турнирот во 1998, бил истоврмено и турнир на кандидатите. На турнирот победил Вишванатн Ананд, кој одбил да игра. По одбивањето на Ананд, на Широв му било понудено да игра против Крамник, кој прифатил и го победил Крамник, но мечот против Каспаров не се одржал.

Од 2006 до 2008, првата половина од натпреварите се одржуваше во мексиканскиот град Морелија, а втората половина во Линарес, па турнирот беше познат како Морелија-Линарес.

Во 2009, турнирот повторно се одржа целосно во Линарес. Беше најавено дека во 2010, турнирот ќе се одржи во Линарес и Дубаи, но турнирот се одржа само во Линарес.

Победници на турнирот

Година	Победник	Земја
1978	Јан Елсон	Шведска
1979	Лари Кристијансен	САД
1981	Анатолиј Карпов Лари Кристијансен	СССР САД
1983	Борис Спаски	СССР
1985	Љубомир Љубоевиќ Роберт Хибнер	СФР Југославија Германија
1988	Јан Тиман	Холандија
1989	Василиј Иванчук	СССР
1990	Гари Каспаров	СССР
1991	Василиј Иванчук	СССР
1992	Гари Каспаров	Русија
1993	Гари Каспаров	Русија
1994	Анатолиј Карпов	Русија
1995	Василиј Иванчук	Украина
1997	Гари Каспаров	Русија
1998	Вишванатан Ананд	Индија
1999	Гари Каспаров	Русија
2000	Владимир Крамник Гари Каспаров	Русија
2001	Гари Каспаров	Русија
2002	Гари Каспаров	Русија
2003	Петар Леко	Унгарија
2004	Владимир Крамник	Русија
2005	Гари Каспаров	Русија
2006	Левон Аронјан	Ерменија
2007	Вишванатан Ананд	Индија
2008	Вишванатан Ананд	Индија
2009	Александар Гришчук	Русија
2010	Веселин Топалов	Бугарија

Надворешни врски

• Историја на шаховскиот турнир во Линарес од 1978 до 2008 Архивирано на 25 февруари 2007 г.
• Шаховски турнир во Линарес 2009, партии и извештаи
• Официјално мрежно место на турнирот во Линарес во 2009 Архивирано на 2 март 2009 г.
• Каде е Линарес? од Chessbase