Хортач

Оваа статија се однесува на за планина во Солунско. За истоименото село, погл. Хортач (село).

Хортач или Ортач (грчки: Χορτιάτης) — планина во Солунско, Егејска Македонија. Се издига југоисточно од Солун a највисокиот врв Кисо со височина од 1.201 м. Покрај самиот град, на подножјето на планината се расположени неколку градски населби и села, од кои позначајни се Хортач и елитната населба Арсакли (грч. Панорама), обете во општината Капуџилар-Хортач. Планините се прекриени со шумовити предели. Еден од овие предели го сочинува и шумскиот национален парк. По планината е наречен и горњачки ветер што дува во Солунскиот Залив.

Хортач
Χορτιάτης
Поглед на Хортач
Највисока точка
Надм. вис.	1.201 м
Координати	40.5816° СГШ; 23.1163° ИГД / 40.5816; 23.1163
Географија
Хортач на карта
Место	Солунско, Егејска Македонија

Кон север Хортач продолжува во пониската планината Сиври Тепе која се протега сè до Горчливото Езеро на границата со Кукушко.

Планината е од суштинска важност за водоснабдувањето на Солун уште од древни времиња, па до денес. Во доцновизантискиот период (околу 1300 г.), манастирот на северните падини на планината го снабдувал градот и подрачјето на исток со вода по аквадукт чии остатоци се видливи и денес.

Поврзано

• Хортач (село)
• Шехј Су — шума на планината
• Круша (планина)

Галерија

• 
  Поглед на масивот на Хортач
• 
  Пат по Хортач
• 
  Три врва на Хортач