Херсон

Херсон (украински: Херсо́н) — град во Јужна Украина, седиште на Херсонската Област. Значаен е како пристаниште на Црното Море и реката Днепар и има мошне развиена бродоградба. Населението брои 294,941 жители (2015). Сместен е на високиот десен брег на реката Днепар.

Херсон Херсон
град од обласно значење
Знаме Грб
Земја	Украина
Област	Херсонска
Градски реони	Днепровски Суворовски Комсомолски
Основан	18 јуни 1778
Управа
• Градоначалник	Володимир Миколаенко (независен)
Површина
• Вкупна	135,7 км2 (524 ми2)
Надм. вис.	&1000000000000046600000046,6 м
Население (2015)
• Вкупно	294,941
• Густина	2.200/км2 (6,000/ми2)
Пошт. бр.	73000
Повик. бр.	+380 552
Мреж. место	city.kherson.ua

Од припојувањето на Крим кон Русија во 2014 година, во Херсон е воспоставена канцеларијата на претседателскиот претставник на Украина во Крим.

Историја

Црквата „Св. Катерина“

Григориј Потемкин

Сè до 1774 г. подрачјето било во состав на Кримското Ханство.

Херсон е основан во 1778 г. од кнезот Григориј Потемкин по налог на царицата Катерина Велика. Градот е изграден под раководство на генералот Иван Ганибал на место на малата тврдина Александершанц. Наречен е по старогрчката колонија Херсон Тавриски, основана во VI век п.н.е. во југозападен Крим. Едно од првите зданија во утврдувањето бил соборниот храм „Св. Катерина“ каде подоцна е е погребан кнезот Потемкин. Кај Херсон е уловен последниот тарпан во 1866 г.

Кон средината на XIX век во Херсон се доселило многубројно еврејско население кое веднаш станало рамнобројно на украинското со дури 41,4 % од градот. До 1939 г. истото се намалило на 16,6 %, а денес изнесува само 0,5 %.

Управна поделба

Градскиот дом, денес ликовен музеј.

Градот се состои од три реони.

• Суворовски — стариот дел од градот, наречен по рускиот генерал Александар Суворов. Ги опфаќа микрореоните: Тавријскиј, Пивничниј и Млини.
• Днепарски — наречен по реката Днепар. Ги опфаќа микрореоните: ХБК, Текстиљниј, Склотара, Слобидка, Военка, Схидниј.
• Корабељни — наречен по бродоградбата. Ги опфаќа микрореоните: Шуменски, Корабел, Забалка, Сухарне, Житоселишче, Селишче — 4, Селишче — 5.

Сообраќај

Покрај морското и речното пристаниште, Херсон е поврзан со државната железничка мрежа, со секојдневни брзи возови до Киев, Лавов и други градови. Има и помал меѓународен аеродром.

Сообраќај

Во градот има 77 образовни установи, од кои 15 отпаѓаат на вишо и високо образование. Меѓу нив знајзначајни се:

• Херсонски државен универзитет
• Државен земјоделски универзитет
• Државен технички универзитет
• Меѓународен универзитет за бизнис и право

Знаменитости

• Црква „Св. Катерина“ — изградена во 1780-тите, по нацрт на Иван Старов; има гробница на кнезот Потемкин.
• Еврејски гробишта
• Херсонска телевизиска кула — позната градба во градот.
• Аџиголски светилник — хиперболоидна градба на Владимир Шухов, 1911 г.

Збратимени градови

• Залаегерсег, Унгарија
• Шумен, Бугарија

Галерија

• 
  Црква „Успение на пресв. Богородица“
• 
  Црква „Св. Александра“
• 
  Аџиголскиот светилник
• 
  Херсонската тврдина
• 
  Споменик на кнезот Потемкин
• 
  Староградски градби на ул. „Суворова“
• 
  Главната банка
• 
  Банка
• 
  Кино
• 
  Хотелот „Фрегат“

Поврзано

• Херсон Тавриски
• Херсонска област
• Бесарабија

Надворешни врски

• Градска управа на Херсон Архивирано на 31 март 2009 г. (украински)
• Информативен портал за Херсон (руски)
• Слики од Херсонfлан (руски)