Халил Рифат-паша
Халил Рифат-паша (современ турски: Halil Rıfat Paşa; 1820 година [Notes 1] 9 ноември 1901 година) — отомански државник и Голем везир шест години помеѓу 1895 година до неговата смрт во 1901 година, за време на владеењето на Абдул Хамид II.
| Халил Рифат Паша | |
|---|---|
| |
| Мутасариф на Видин | |
| На должноста 1882–1886 | |
| Гувернер на Сиваскиот Вилает | |
| На должноста 1886–1889 | |
| Гувернер на Ајдинскиот Вилает | |
| На должноста 1889–1891 | |
| Претходник | Нафиз-паша |
| Наследник | Абдурахман Нуредин-паша |
| Гувернер на Битолскиот Вилает | |
| На должноста 1891–1893 | |
| Голем везир на Османлиското Царство | |
| На должноста 7 ноември 1895 – 9 ноември 1901 | |
| Монарх | Абдул Хамид II |
| Претходник | Ќамил-паша |
| Наследник | Мехмед Саид-паша |
| Лични податоци | |
| Роден(а) | 1820 Сер, Румелиски Пашалак, Османлиско Царство |
| Починал(а) | 9 ноември 1901 Цариград, Цариградски Вилает, Османлиско Царство |
| Националност | Османлија |
| Вероисповед | ислам |
Образование уреди
Роден е во Сер и се школувал во една медреса во Солун, а потоа продолжил на Факултетот за политички науки во Цариград (денес установата се наоѓа во Анкара).
Живот и кариера уреди
После неколку години на образование, тој започнал да работи како поштенски службеник во Видин, а потоа работел како секретар во канцеларијата на гувернерот на Солун.[1] Тој напредувал чекор по чекор и бил назначен на повисоки официјални позиции со изминувањето на времето, вклучително и во Русе. Во 1882 година бил назначен за мутасариф на Видин, а потоа во 1886 година бил назначен за гувернер на Сивас, каде започнал програма за градење на патишта.[1] Потоа бил назначен за гувернер на Ајдин (1889), а подоцна и во Битола, каде се борел против комитски единици, кои растеле во покраината.[1] Тој бил назначен за министер за внатрешни работи во 1893 година. Потоа бил назначен за голем везир во ноември 1895 година. Најважните настани во неговата ера како голем везир биле немирите на Сасон (во 1895 година) и на Крит (во 1897 година), како и грчко-турската војна од 1897 година, која завршила со османлиска победа.
Тривија уреди
Неговото мото во кампањата за градење на патиштата било „Секое место каде што не можете да одите не е ваше“ (турски: Gidemediğin yer senin değildir.)
Белешки и наводи уреди
- ↑ Според посмртницата во „The Times“, тој е роден околу 1807 година. Така тој бил имал речиси 95 години до неговата смрт. Други извори ја посочуваат годината 1820.
Поврзано уреди
Надворешни врски уреди
- Ерата на Абдул Хамид II
- Халил Рифат-паша како министер за внатрешни работи
- Образовна мрежна страница со информации за Халил Рифат-паша
- Халил Рифат-паша (биографија на турски јазик во формат pdf - апстрактно и на англиски јазик) Универзитет Сивас Кумхуриет
| Политички функции | ||
|---|---|---|
| Претходник Ќамил-паша |
Голем везир на Османлиското Царство 7 ноември 1895 – 9 ноември 1901 |
Наследник Мехмед Саид-паша |