Франц I (Свето Римско Царство)

Франц I (француски: François Etienne, германски: Franz Stephan von Lothringen, роден на 8 декември 1708 во Нанси - починал на 18 август 1765 во Инсбрук) — владетел од Лотариншката династија како цар на Светото Римско Царство (1745-1765), надвојвода на Австрија (1740-1765), војвода од Токсана (1737-1765) и војвода од Лорена (1729-1737).

Франц I
Цар на Светото Римско Царство; Крал на Германија
На престол	13 септември 1745 – 18 август 1765
Крунисување	4 октомври 1745, Франкфурт
Претходник	Карло VII
Наследник	Јосиф II
Надвојвода на Австрија
На престол	21 ноември 1740 – 18 август 1765
Претходник	Марија Терезија
Наследник	Јосиф II
совладетел	Марија Терезија
Војвода од Токсана
На престол	12 јули 1737 – 18 август 1765
Претходник	Жан Гастоне Медичи
Наследник	Леополд II
Војвода од Лорена
На престол	27 март 1729 – 9 јули 1737
Претходник	Леополд
Наследник	Станислав I
Роден(а)	8 декември 1708(1708-12-08) Нанси
Починал(а)	18 август 1765(1765-08-18) (возр. 56) Инсбрук
Почивалиште	Виена
Сопружник	Марија Терезија
Деца	See list Марија Елизабета Австриска Марија Ана Австриска Марија Каролина Австриска Јосиф II Марија Кристина Марија Елизабета Карло Јосиф Марија Амалија Леополд II Марија Каролина Марија Габриела Марија-Јосифа Марија Каролина Фердинанд Марија Антоанета Максимилијан Франц
Полно име Франц Стефан
Династија	Лотариншка династија
Татко	Леополд
Мајка	Елизабета-Шарлота Орлеанска
Вероисповед	Римокатоличка црква

Рани години

Франц е роден во Нанси на 8 декември 1708 како втор син на војводата од Лорена Леополд (1679-1729) и неговата сопруга, француската принцеза Елизабета-Шарлота Орлеанска (1676-1744).

Со австриските Хабсбурговци Франц Стефан бил поврзан преку неговата баба Елеонора, ќерка на царот Фердинанд III. Семејството на Франц Стефан одржувало исклучително добри односи со светиот римски цар КарлО VI, кој планирал да ја омажи својата ќерка Марија Терезија за постариот брат на Франц - Леополд-Клеменс, кој бил наследник на лотарингската круна.

Леополд-Клеменс сепак починал во 1723 година. Така Франц Стефан станал наследник на Лорена и царот Карло VI решил да го ожени Франц Стефан за својата ќерка. Во 1723 година Франц заминал во Виена, каде бил под особеното покровителство на царот. Во Австрија, Франц Стефан станал владетел на Војводство Тешен. Во Австрија Франц останал 6 години до смртта на својот татко во 1729 година, кога официјално го наследил престолот на Лорена. Во 1732 Франц Стефан бил назначен за царски намесник во Унгарија.

Виена

За време на престојот на Франц Стефан во Виена меѓу него и Марија Терезија се родила љубов, но поради политичката ситуација во Западна Европа во почетокот на 30-тите години, планираниот брак бил под знак прашалник. Војната за полското наследство од 1733 година, војната против Франција и Шпанија и баварските претензии за австриската круна по смртта на Карло VI биле причина владата во Виена да планира двоен династички брак - Марија Терезија како наследничка на Австрија, Чешка и Унгарија требало да биде омажена за баварскиот принц додека нејзината сестра за Карло од Шпанија.

Во 1735 година, по завршувањето на војната за полското наследство, царот Карло VI се согласил да го компензира францускиот кандидат за полската круна Станислав Лешчињски со Лорена, принудувајќи го Франц Стефан да се откаже од Лорена, во замена за Големото Војводство Тоскана, а неговиот брак со Марија Терезија повторно станал можен. Покрај тоа Франц Стефан бил назначен за управител во Холандија, а неговиот брат бил оженет за сестрата на Марија Терезија.

Така на 16 февруари 1736 година Франц Стефан и Марија Терезија се венчале во Виена, по кое заминале да живеат во Фиренца, каде Франц станал наследник на последниот владетел од Медичи.

Цар

Во 1740 година починал царот Карло VI, која според Прагматичната санкција од 1713 година го наследила престолот на Австрија, Чешка и Унгарија. На 13 септември 1745 година Марија Терезија го обезбедила престолот за својот сопруг. Марија Терезија била лудо вљубена во нејзиниот сопруг и му родила многу деца.

Франц Стефан починал на 18 август 1765 година во Инсбрук.

Семејство

Франц I со својата сопруга Марија Терезија имале 16 деца:

• Марија Елизабета Австриска (1737-1740)
• Марија Ана Австриска (1738-1789)
• Марија Каролина Австриска (1740-1741)
• Јосиф II (1741-1790) - цар на Светото Римско Царство
• Марија Кристина Австриска (1742-1798)
• Марија Елизабета Австриска (1743-1808)
• Карло Јосиф
• Марија Амалија Австриска (1746-1804)
• Леополд II (1747-1792) цар на Светото Римско Царство
• Марија Каролина (1748)
• Марија Габриела Австриска (1750-1762)
• Марија-Јосифа Австриска (1751-1767)
• Марија Каролина Австриска (1752-1814)
• Фердинанд (1754-1806)
• Марија Антоанета
• Максимилијан Франц (1756-1801)

Надворешни врски

• Tomáš Kleisner - Jan Boublík, Coins and Medals of the Emperor Francis Stephen of Lorraine Prague 2011 ISBN 978-80-7036-316-4
• Франц I (Свето Римско Царство) на Ризницата ^?
•  Оваа статија вклучуват текст од дело кое сега е во јавна сопственост: Chisholm, Hugh, уред. (1911). Encyclopædia Britannica (11. изд.). Cambridge University Press. CS1-одржување: ref=harv (link)

Франц I (Свето Римско Царство) Лотариншка династија Роден(а): 8 декември 1708 Починал(а): 18 август 1765
Владејачки титули
Претходник Жан Гастоне Медичи	Војвода од Токсана 1737–1765	Наследник Леополд II
Претходник Леополд	Војвода од Лорена 1729–1737	Наследник Станислав I
	Војвода од Тишен 1729–1765	Наследник Јосиф II
Претходник Карло VII	Крал на Германија 1745–1764
	Цар на Светото Римско Царство 1745–1765
Претходник Марија Терезија како sole ruler	Надвојвода на Австрија Владетел на Австриските Ниски Земји 21 ноември 1740–1765 со Марија Терезија	Наследник Марија Терезија како sole ruler