ФК Војнца Сибиу

ЧСУ Воинца Сибиу е поранешен романски фудбалски клуб од Сибиу, основан во 2007, а распуштен во 2012 година.

ЧСУ Воинца Сибиу

Целосно име	Clubul Sportiv Universitar Voinţa Sibiu
Скратено име	Воинца Сибиу
Основан	2007
Распуштен	2012
Стадион	Муничипал (Капацитет: 14,000)
Мреж. место	Службено мрежно место
Домашни бои Гостински бои

Историја

Клубот се изборил за својата промоција на највисокото ниво на романскиот фудбал стигнувајќи од Лига 4 до Лига 1 за само 3 години.

Светлата историја на клубот започнала во сезоната 2010-2011, кога во романскиот куп, клубот обезбедил учество во кругот на најдобрите 32 тима, каде што се сретнал со прволигашот и локален соперник, Газ Метан Медиаш. Воинца Сибиу победил со 3-1 по продолженијата, со што обезбедил учество во осминафиналето, каде загубилна пенали од ФК Тимишоара.

На крајот од оваа сезона Воинца се изборил за првпат во својата историја да игра во Првата романска лига. Откако завршиле на 4. место во Лига 2, фудбалерите на клубот морале да играат во разигрувањето против Саџеата Наводари. Во првиот натпревар во Наводари, било 0-0, а во реваншот Воинца славела со 2-0. Со тоа, Воинца станала првиот тим од градот Сибиу, кој некогаш играл во првата романска лига, по цели 15 години, откако во сезоната 1995-1996 тоа му пошло од рака играше на клубот Интер Сибиу.

На почетокот од сезоната 2011-2012, Воинца во првото коло од Лига 1 се сретнала со најтрофејниот клуб во Романија, Стауа Букурешт. Во 88-мата минута Раду Негуц постигнал гол за Воинца и го израмнил резултатот со што донел голем бод за овој новооснован клуб. Првата победа во историјата во Лига 1, Воинца Сибиу ја забележала на 31 јули 2011, на гости кај Астра Плоешти, со победа од 1-0.

Воинца испаднала после само една сезона во елитната романска фудбалска лига, завршувајќи на 16. место на табелата, со 32 освоени бода.

После само 11 одиграни кола во Лига 2 2012–2013 Воинца се повлекла од првенството, поради големи долгови. Со тоа клубот бил распуштен и престанал да постои.

Титули

Лига III:

• Победник (1): 2009–10

Лига IV:

• Победник (1): 2008–09

Играчи

Состав во сезоната 2011-2012 во единствената сезона на Воинца во Лига 1

Бр. Позиција Играч 1 ГМ Ремус Данелаке 3 ОД Николае Григоре 4 НП Андреј Антохи 5 СР Еуџен Беза 6 ОД Рареш Форика 7 СР Јулиан Попа 8 СР Флорин Мажер 9 НП Корнел Коман 10 НП Раду Негут 11 НП Кристјан Хардау 12 ГМ Мариус Завои 13 СР Кајус Лунгу

Бр. Позиција Играч 14 ОД Мариус Бурлаку 16 ОД Серџу Бар 17 СР Даниел Татар 18 ОД Дору Бујкан 19 СР Јонуц Матеи 20 НП Кристјан Чиган 22 СР Клаудиу Бунеа 23 ОД Думитру Апостол 24 НП Александру Мартинеску 25 СР Разван Длбеа 82 ГМ Богдан Мирон