Уругвај (река)
- За други значења на поимот „Уругвај“, видете ја страницата за појаснување.
Уругвај (шпански: Río Uruguay; португалски: Rio Uruguai) е река во Јужна Америка. Реката Уругвај е една од главните реки во средишните и јужните предели на Јужна Америка и според неа е именувана државата Уругвај. Текот на реката е во правец север-југ и таа воедно претставува природна граница, на делови од границите, помеѓу Бразил, Аргентина и Уругвај. Реката извира во јужен Бразел и поминува низ сојузните држави Санта Катарина и Рио Гранде до Сул, потоа тече на границата на Бразил со Аргентина, а понатака и на границата помеѓу Аргентина и Уругвај.
| Уругвај | |
| Río Uruguay, Rio Uruguai | |
 Залез над реката Уругвај во Аргентина
| |
| Земји | Аргентина, Бразил, Уругвај |
|---|---|
| Главен извор | Пелотас |
| - место | Сера Герал, Бразил |
| - височина | 1.800 м |
| Спореден извор | Река Каноас |
| - местоположба | Сера Герал, Бразил |
| Утока | Рио де ла Плата |
| - височина | 0 м |
| Должина | 1.838 км [1] |
| Слив | 365.000 км2 |
| Истек | |
| - просечен | 5.500 м3/с |
 Карта на басенот на реката Уругвај
| |
Потекло на поимот уреди
Името на реката потекнува од шпанската интерпретација на гваранските фрази кои биле користени за именување на реката. Постојат повеќе интерпретации за значењето на зборот, меѓу кои „реката на уру“ (уру е ендемска птица во регионот) и „реката на уругуа“ (автохтом мекотел, полжав).[2]
Течение уреди
Реката има должина на тек од околу 1838 километри. Уругвај извира во Сера до Мар во Бразил,[3][4][5][6][7] каде реките Каноас и Пелотас се спојуваат на надморска височина од 200 метри. Во понатамошниот тек реката тече низ нерамен терен, формирајќи падови и брзаци. Течението на реката во Рио Гранде до Сул не е пловно.
Интересна одлика на реката е подводниот кањон. Овој кањон бил создаден во доцното ледено доба, кога климата била посушна и реката била помала. Длабочината е до 100 метри под речниот канал.[6][8] Овој кањон се гледа само на две места, од кои едниот е водопадот Мокона. Сепак. водопадите не се видливи 150 дена од година. За разлика од други водопади, овие водопади се паралелни со реката. Водопадите се од 10 до 12 метри високи, а широки од 1800 до 3000 метри.[6][8]
Реката Уругвај се спојува со реката Парана и така се вливаа во Рио де ла Плата, односно Атлантскиот Океан. Главна притока на реката Уругвај е реката Рио Негро.
Галерија уреди
-
Водопадите Мокона, на местото каде реката поминува од Бразил во Аргентина. -
Карта на басенот на Рио де ла Плата со приказ на местото каде Уругвај се спојува со Парана.
Наводи уреди
- ↑ „Río de la Plata“. Encyclopædia Britannica. Посетено на 14 August 2010.
- ↑ El País newspaper: Presentan tesis del nombre Uruguay Архивирано на 14 март 2012 г., (шпански) Retrieved 21 November 2014.
- ↑ „Rio Uruguay“. Архивирано од изворникот на 2013-11-07. Посетено на 2018-10-29.
- ↑ Consejo Nacional de Investigaciones Científicas y Técnicas
- ↑ „FACULDADE DE BIOCIÊNCIAS PROGRAMA DE PÓS-GRADUAÇÃO EM BIOCIÊNCIAS – ZOOLOGIA“ (PDF). Архивирано од изворникот (PDF) на 2020-02-04. Посетено на 2018-10-29.
- ↑ 6,0 6,1 6,2 „A particular canyon excavated in the large Uruguay River channel (South America)“.
- ↑ „The fish fauna of two tributaries of the passo fundo river, uruguay river basin, rio grande do sul, brazil“ (PDF). Архивирано од изворникот (PDF) на 2014-05-27. Посетено на 2018-10-29.
- ↑ 8,0 8,1 „Moconá Falls (Yucumã Falls)“. Wondermondo.
Надворешни врски уреди
Уругвај (река) на Ризницата ?- Река Уругвај - Топонимски опслужувач GEOnet (англиски)
- Карта на реката Уругвај од 1784
