Титикака
Титикака (шпански: Lago Titicaca, кечуански: Titiqaqa Qucha) — најголемото езеро во Јужна Америка и се наоѓа на западниот дел од континентот.[1][2][3] Тоа е воедно и највисокото пловно езеро во светот[4] (се наоѓа на 3.810 метри надморска височина).[5] Долго е 196, а широко 56 километри во просек и се протега од југоисточниот дел на Перу па сè до западна Боливија. Површината изнесува 8.300 км, а најдлабоката точка се наоѓа на 280 метри под површината.[6] Вкупно 25 реки со површина од околу 58.000 км се влеваат во езерото Титикака кај областа Алтиплано. На јужната страна од Титикака се наоѓа единствениот одлив од езерото - Desaquadero. Поради испарувања езерото губи 95% од влеаната вода. Титикака има 41 остров, од кои многумина се населени, а најголемиот остров е Титикака (Isla de Titicaca). Во околината на езерото може и ден денес да се најдат остатоци од градби од кои некои потекнуваат од времето на Инките. Располага со многу видови риби, а околината на бреговите се користи главно за земјоделство.
| Титикака Titicaca | |
|---|---|
 Поглед од боливиска страна. | |
| Координати | |
| Вид | планинско езеро |
| Главни приливи | 27 реки |
| Главни истеци | Десагвадеро Испарување |
| Слив | 58,000 км2 |
| Сливни земји | Перу Боливија |
| Најг. должина | 190 км |
| Најг. ширина | 80 км |
| Површина | 8,372 км2 |
| Прос. длабочина | 107 м |
| Најг. длабочина | 284 м |
| Зафатнина | 893 км3 |
| Брег | 1.125 км |
| Надм. височина | 3.812 м |
| Острови | 42+ острови |
| Населени места | Пуно, Перу Копакабана, Боливија |
| 1 Бреговата должина не е добро определена мерка. | |
Поврзано уреди
Наводи уреди
- ↑ Grove, M. J., P. A. Baker, S. L. Cross, C. A. Rigsby and G. O. Seltzer 2003 Application of Strontium Isotopes to Understanding the Hydrology and Paleohydrology of the Altiplano, Bolivia-Peru. Palaeogeography, Palaeoclimatology, Palaeoecology 194:281-297.
- ↑ Rigsby, C., P. A. Baker and M. S. Aldenderfer 2003 Fluvial History of the Rio Ilave Valley, Peru, and Its Relationship to Climate and Human History. Palaeogeography, Palaeoclimatology, Palaeoecology 194:165-185
- ↑ Questions Unlimited (2003). „Who Wants to Be a Judge at the National Academic Championship?“. National Academic Championship. Архивирано од изворникот 6 April 2017. Посетено на 6 December 2016.
- ↑ „The 10 Highest Lakes in the World“. ThoughtCo (англиски). Посетено на 2022-01-30.
- ↑ „Major lakes (area sq km) - The World Factbook“. www.cia.gov. Посетено на 2022-01-30.
- ↑ „Data Summary: Lago Titicaca (Lake Titicaca)“. web.archive.org. 2011-07-23. Архивирано од изворникот на 2012-10-18. Посетено на 2022-01-30.
 | Оваа статија поврзани со Перу е никулец. Можете да помогнете со тоа што ќе ја проширите. |