Таунус
Таунус (германски: Taunus) — низок планински венец во покраината Хесен, Германија што претставува дел од Рајнските Шкрилни Планини. Опкружен е со речните долини на Рајна, Мајна и Лана. Од другата страна на Рајна, планините продолжуваат во ниската верига Хунсрик. Самите планини се протегаат во окрузите Горен Таунус, Мајна-Таунус, Рајнгау-Таунус, Лимбург-Вајлбург, и Рајна-Лана.
Највисок врв е Голем Фелдберг (Großer Feldberg) со 878 м. По него следи Мал Фелдберг (Kleiner Feldberg) и Алткениг, каде има остатоци од ридско утврдување (градиште) од доцното железно време (~ 400 п.н.е.) близу врвот.
Во римско време, преку планината се протегала границата на царството. Денес во Залбург има обновена римска тврдина со музеј. Со падот на римскиот лимес во 259/260 г., местото го населиле Алеманите, за што сведочат алеманските гробишта на јужните падини. Со Битката кај Толбијак (496), подрачјето потпаднало под власта на Франките.
Највисоки планини уреди
- Голем Фелдберг (878 м), Горен Таунус
- Мал Фелдберг (825 м), Горен Таунус
- Алткениг (798 м), Горен Таунус
- Вајлсберг (701 м), Горен Таунус
- Гласкопф (685 м), Горен Таунус
- Пфердскопф (663 м), Горен Таунус
- Колбенберг (684 м), Горен Таунус
- Клингенкопф (683 м), Горен Таунус
- Зенгелберг (665 м), Горен Таунус
- Пфердскопф (663 м), Горен Таунус
- Вајсеберг (660 м), Горен Таунус
- Фаулеберг (633 м), Горен Таунус
- Голем Ајхвалд (633 м), Горен Таунус
- Роскопф (632 м), Горен Таунус
- Калте Херберге (619 м), Рајнгау-Таунус
- Горен Вурцел (618 м), Рајнгау-Таунус
- Горен Канцел (592 м), Рајнгау-Таунус
- Ербахер Копф (580 м), Рајнгау-Таунус
- Штајнкопф (570 м), Горен Таунус
- Кубет (526 м), Лимбург-Вајлбург
- Штајнкопф (518 м), Ветерау
Галерија уреди
-
Поглед од Карбен -
Главна порта на римската тврдина -
Франкфурт, со Таунус во позадината -
Таунус во зима
