Таки Фити
Таки Фити (роден на 7 ноември 1950 година во Крушево) — македонски економист и политичар, член и моментален претседател на МАНУ[1].
| Таки Фити | |
|---|---|
| |
| Десетти претседател на МАНУ | |
| На должноста 2016–2019 | |
| Претходник | Владо Камбовски |
| Наследник | Љупчо Коцарев |
| Министер за финансии | |
| На должноста 23 февруари 1996 – 30 ноември 1998 | |
| Претходник | Јане Миљовски |
| Наследник | Борис Стојменов |
| Лични податоци | |
| Роден(а) | 7 ноември 1950 Крушево, СФРЈ денешна Македонија |
| Националност | Македонец |
| Партија | СДСМ |
| Установа | Економски факултет |
| Професија | економист политичар академик |
Животопис уреди
Таки Фити е роден во градот Крушево на 7 ноември 1950 година[2]. Фити бил избран за редовен професор на Економскиот Факултет во Скопје во 1993 година. Магистрирал и докторирал на Економскиот факултет во Скопје, на теми од областа на економскиот развој на земјите во развој. Главни подрачја на неговата научна преокупација се: економија (микроекономија и макроекономија), економски раст и развој, претприемништво, земји во транзиција, модерни макроекономски концепции и политики[2].
Таки Фити е автор на повеќе од 230 стручни и научни трудови кои биле објавени во земјата и странство - на македонски, француски, англиски, српскохрватски јазик.[2] Исто така, тој бил на научни и студиски престои во Италија, Германија, Велика Британија, Франција и во други земји.[2] Во 2009 година, Фити бил назначен за визитинг професор на Економскиот факултет во Загреб, Република Хрватска.
Таки Фити во текот на својата кариера извршувал повеќе функции:
- Декан на Економскиот факултет во Скопје
- Претседател на Сојузот на економисти на Македонија
- Министер за финансии на Република Македонија (1996-1998)
- Гувернер на Светската банка за обнова и развој
- Гувернер на Европската банка за обнова и развој
- Вицегувернер на Меѓународниот Монетарен фонд (1996-1998)
- Член на Advisory Board на Russian and East European Research Centre (University of Wolwerhampton)
- Консултант на OECD за проекти во областа на малите и средни претпријатија и претприемништвото
- Член на тимот на советници на Претседателот на Република Македонија (2005-2006),
- Член на советничкиот одбор на Гувернерот на НБРМ (2005-2008),
- Копретседател на Blue Ribbon комисијата за Македонија
- Член на одборите на директори на повеќе македонски претпријатија и банки
Во 2003 година, Фити бил избран за редовен член на Македонската академија на науките и уметностите. На 1 јануари 2016 година, Таки Фити бил избран за претседател на МАНУ. Исто така, тој е член на Европскиот совет за култура.
Наводи уреди
- ↑ Letopis na Makedonskata akademija na naukite i umetnostite. Скопје: Makedonska akademija na naukite i umetnostite. 2002.
- ↑ 2,0 2,1 2,2 2,3 „Официјално мрежно место на Економскиот факултет - Скопје“. Архивирано од изворникот на 2013-06-03. Посетено на 2013-02-21.
Надворешни врски уреди
| Претходник Јане Миљовски |
Министер за финансии на Македонија 1996 — 1998 |
Наследник Борис Стојменов |