Столб на Јустинијан

Столбот на Јустинијан претставувал римски триумфален столб кој се наоѓал во Цариград, денешен Истанбул, Турција. Овој столб бил изграден во времето на византискиот цар Јустинијан I во 543 година во чест на неговите пообеди. Овој столб бил поставен во западниот дел од плоштадот Августајон, меѓу Аја Софија и Големата палата. Столбот бил разрушен во времето на Османлиите во текот на 16 век.

Столб на Јустинијан
Карта
Општи податоци
ГрадИстанбул
ЗемјаТурција
Почната540-ти
Урната1515

Историја уреди

Столбот бил изграден од тули, а бил покриен од месингови плакети[1]. Столбот стоел на мермерен пиедестал со седум скали, а на нејзниот врв се наоѓала бронзена статуа на Јустинијан I во триумфална облека (облеката на Ахил, како што го нарекол Прокопиј). Во левата рака држел глобус, а со десната рака ја протегал кон исток[2]. Според некои натписи, се смета дека на ова место имало статуа на Теодосиј I или Теодосиј II[1][3].

Столбот останал до пропаѓањето на Византија, како што опишал Никифор Грегорас и неколку руски верници во градот. Според некои извори, пред самиот столб се наоѓале други три бронзени статуи на пагански императори, кои го молеле императорот за прошка. Овие статуи најверојатно биле тргнати од плоштадот во 1433 година[4].

Според Кристофоро, столбот бил висок 70 метри. Тој се гледал дури од морето.

Голем дел од населението, до 15 век сметале дека станува збор за основачот на градот Константин Велики[3], а според Крикијак за Ираклиј[3]. Исто така се сметало дека наместо глобус, човекот од статуата држи јаболко[5]. По падот на овој дел од столбот, некаде во периодот од 1422 до 1427 година, овој чин се сметал за несреќа која го очекува на градот[6]. Веднаш по освојувањето на градот, Османлиите ја отстраниле статуата како симбол на нивната власт, а столбот најверојатно бил разрушен во 1515 година.[5]. Пјер Жил, кој живеел во градот во 1540-тите, напишал дека останатите фрагменти од статуата биле во Топкапи-сарај, пред да бидат потопени за создавање на топови[5]

Наводи уреди

  1. 1,0 1,1 Kazhdan (1991), p. 232
  2. Procopius, De Aedificiis, I.2.1–11
  3. 3,0 3,1 3,2 Majeska (1984), p. 239
  4. Majeska (1984), pp. 237, 240
  5. 5,0 5,1 5,2 Finkel (2006), p. 53
  6. Majeska (1984), p. 240

Надворешни врски уреди