Сехадет Доко

Сехадет Доко (моминско: Мекули; 16 октомври 1928 во Охрид — 12 ноември 2013 во Приштина) — македонска лекарка, која била прва Албанка што станала лекар во Југославија.

Сехадет Доко
Родена	Сехадет Мекули 16 октомври 1928 Охрид, Кралство Југославија
Починала	12 ноември 2013(2013-11-12) (возр. 85) Приштина, Косово
Националност	Албанка
Позната	прва лекарка Албанка во Југославија
Занимање	лекарка, професорка
Сопружник	Есад Мекули
Деца	2

Животопис

Дипломирала во првата генерација на Медицинскиот факултет во Скопје (1947 – јануари 1954). Како студент била демонстратор по наставните предмети Анатомија и Патофизиологија и соработник на Институтот за судска медицина во Скопје. Првин се вработила во Приштинската болница, а потоа специјализирала гинекологија и акушерство во Белград (1960). По враќањето била шеф на Одделението за гинекологија во Градскиот диспанзер, а при отворањето на Приштинскиот универзитет била избрана за професор на тамошниот Медицински факултет. Била директор на Клиниката за гинекологија во Приштина (1972-1981) и докторирала на тема „Токсоплазмата кај жената во фертилната возраст во САП Косово” (Белград, 1974). Основоположник е на списанието „Праксис медика”. Учествувала на повеќе научни собири во земјата и во странство и има објавено над 30 научни трудови. Форумот на жените на Косово ја прогласи за водечка интелектуалка на Косово (1997).