Рур (река)

Ова не е исто што и [[:река Рур (Меза) во западна Северна Рајна-Вестфалија, Белгија и Холандија.]].

Рур — средно голема река во западна Германија (Северна Рајна-Вестфалија), десна притока (источна страна) на Рајна.

Рур
Местоположба
Физички особености
Устие	Рајна 51°27′3″N 6°43′22″E
Должина	217 km
Особености на сливот

Сливот на Рур

Опис

Изворот на Рур е во близина на градот Винтерберг во планинската област Зауерланд, на надморска височина од околу 670 метри. Се влева во реката Долна Рајна на надморска височина од 17 метри во градската средина на Дујсбург. Нејзината вкупна должина е 218 километри, нејзиниот просечен истек е 79 м³/s (кубни метри во секунда) кај Милхајм во близина на нејзиното устие. Така, нејзиниот истек е, на пример, споредлив со реката Емс во Северна Германија или реката Темза во Обединетото Кралство.

Градови

Најпрвин, Рур поминува низ градовите Мешеде, Арнсберг, Викеде, Френденберг, Холцвикеде, Изерлон и Шверте.

Потоа, реката ја обележува јужната граница на областа Рур, минувајќи ги Хаген, Дортмунд, Хердеке, Ветер, Витен, Бохум, Хатинген, Есен, Милхајм и Дујсбург.

Областа Рур била главната индустриска област во текот на раните 1900-ти. Поголемиот број фабрики биле сместени тука. Окупацијата на Рур во 1920-тите од француските сили предизвикал ненасилен отпор; производството на фабриката престанало. Како резултат на тоа, хиперинфлационата криза станала уште полоша.

Езера

Постојат пет вештачки езера на реката, често користени за рекреативни цели:

• Хенгстојзе помеѓу Дортмунд и Хаген; површина од 1,36 км², висина на браната од 4,5 м
• Харкортзе помеѓу Хаген Хердеке и Вертер; површина од 1,37 км², висина на браната од 7,8 м
• Езеро Кемнадер помеѓу Витен и Бохум; површина од 1,25 км², висина на браната од 2 м
• Балденојзе во Есен-Верден; површина од 2,64 км², висина на браната од 8,5 м
• Езеро Кетвигер во Есен-Кетвиг; површина од 0,55 км², висина на браната од 6 м

Соседниот индустриски регион ја прифатил неговото име од оваа река.

Рур се користи за подготовка на водата за пиење и е од добар квалитет, факт кој содржи определена лингвистичка иронија, бидејќи зборот „Ruhr“ означува дизентерија на германски. Нејзините речни брегови се одликуваат со големи отворени простори и паркови, кои се користат за рекреација.

Долината на Рур во близина на Бохум во текот на поплава

Поврзано

• Рур (област)
• Окупација на Рур (1923–1924)
• Соседни реки: Рајна, Липе, Емшер.

Надворешни врски

• Податотеки поврзани со Ruhr на Ризницата
•  Chisholm, Hugh, уред. (1911). „Ruhr“ . Encyclopædia Britannica (11. изд.). Cambridge University Press.