Припор (Кочанско)
Припор или Припур — село во Општина Кочани, во областа Осоговија, во околината на градот Кочани.
| Припор | |
Поглед на Припор | |
  Припор Местоположба на Припор во Македонија
Припор на карта
| |
| Координати 41°57′04″N 22°25′30″E / 41.95111° СГШ; 22.42500° ИГД | |
| Регион |  Источен
|
| Општина |  Кочани
|
| Област | Осоговија |
| Население | 0 жит. (поп. 2021)[1]
|
| Пошт. бр. | 2300 |
| Повик. бр. | 033 |
| Шифра на КО | 13035 |
| Надм. вис. | 660-780 м |
|
Припор на општинската карта  Атарот на Припор во рамките на општината | |
 Припор на Ризницата
| |
Географија и местоположба уреди
Припор се наоѓа во областа Осоговија, во вододелницата меѓу Кочанска на запад и Оризарска Река на исток, недалеку од Кочани во северен правец. Селото е ридско-планинско и од разбиен тип, а неговите маала се издигаат на надморска височина од 660-780 м. Селскиот атар зафаќа површина од 4,3 км2.[2]
Месностите во селскиот атар се познати како: Караула, Шипци, Шијанка, Лазов Чукар, Витошки Рид, Блажов Рид и Мегдан. Селото е поделено на маала: Старо Маало, Дедо Никодиновци, Ваљавичарци и Прекориѓани. Жителите на секое маало припаѓале на еден род. Вода за пиење селото добивало од неколку послаби извори. Најобилно со вода е маалото Ваљавичарци, а најоскудно маалото Прекориѓани.[3]
Историја уреди
Според преданието, Припор е млада населба којашто потекнува од околу 1820 година кога била основана од доселеник од селото Костин Дол. Земјата ја купил од некој кочански Турчин. Во време на основање на селото, атарот бил покриен со шума, но шумата подоцна била исечена главно за потребите на кочанското турско население.[3]
Стопанство уреди
Селото е многу сиромашно затоа што земјиштето во него е зафатено со ерозивни процеси. Мештаните говореле:
„Едно време се раѓаше бериќет секаде. Сега водата ја однесе земјата, остана само каменот. Од година до година се полошо идет. Во српско време живевме со кози и дрва.“[3]
Во рамките на селскиот атар, пасиштата преовладуваат на површина од 277 ха, на шумите отпаѓаат 87 ха, а на обработливото земјиште 30 ха.[2]
Население уреди
|
| |||||||||||||||||||||||||||||||||
Според статистиката на Васил К’нчов („Македонија, Етнографија и статистика“) од 1900 година, во Припор живееле 60 жители, сите Македонци.[4]
Според германска карта издадена во 1941 година, а заснована на пописот на Кралството Југославија од 1931 година, селото имало 25 до 50 Македонци.[5]
Според пописот од 2002 година, во селото Припор живее 1 жителка Македонка.[6]
Според последниот попис од 2021 година, во селото немало жители.
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 60 | / | 76 | 82 | 66 | 48 | 11 | 9 | 5 | 1 | 0 |
- Извор за 1900 г.: Македонија. Етнографија и статистика.[7]; за 1905 г.: La Macédoine et sa Population Chrétienne.[8]; за 1948-2002 г.: Државен завод за статистика на РМ.[9]; за 2021 г.: Државен завод за статистика на РМ.[10]
Родови уреди
Припор е македонско село.
Родови во селото биле: Данчевци (4 к.) и Николовци (2 к.) кои потекнуваат од ист предок кој бил основач на селото, а се доселил од селото Костин Дол. Го знаат следното родословие: Мите (жив на 50 г. на крајот на 1950-тите); Лазар-Стаменко-Данче (се доселил неговиот татко). Основачот на селото имал 3 сина: Данче, Никола и Митре. Од Данче се Данчевци, од Никола се Николовци, а од третиот син бил родот Митревци; Миладиновци (3 к.) и Ваљавичарци (2 к.), кои исто така се доселени од селото Костин Дол. Во родот Ваљавичарци се знае следното родословие: Стефан (жив на 50 г. на крајот на 1950-тите години); Стојмен-Василко-Анѓелко (се доселил).[3]
Иселеништво уреди
Од селото има иселеништво Кочани. Од родот Миладиновци се преселиле две домаќинства; од Митровци се иселило едно домаќинство, но потоа се поделиле на повеќе; и од родот Ваљавичарци исто така заминало едно домаќинство, но тие ја зачувале зејата во Припор.[3]
Самоуправа и политика уреди
Селото влегува во рамките на Општина Кочани од 1955 година.
Во периодот 1952-1955, селото било дел од Општина Полаки.
Во XIX век, Припор било дел од Кочанската каза на Отоманското Царство.
Култура и традиција уреди
Селото нема селска слава. Гробиштата се наоѓаат во близина на Старо Маало.[3]
Културни и природни знаменитости уреди
- Археолошки наоѓалишта[11]
- Припор — населба од доцноантичкото време.
Личности уреди
- Крсто Припорски (1900 — 1931) — македонски револуционер и деец на ВМРО.
Галерија уреди
-
Поглед на селото -
Куќи во селото
Наводи уреди
- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ 2,0 2,1 Панов, Митко (1998). Енциклопедија на селата во Република Македонија: географски, демографски, и аграрни обележја (PDF). Скопје: Патрија. стр. 245.
- ↑ 3,0 3,1 3,2 3,3 3,4 3,5 Трифуноски, Јован (1970). Кочанска котлина — сеоска насеља и становништво. Скопје: Универзитетска печатница. стр. 67–68.
- ↑ Васил Кънчов. „Македония. Етнография и статистика“. София, 1900, стр. 227.
- ↑ „200K Volkstumskarte Jugoslawien“.
- ↑ „Попис на Македонија“ (PDF). Завод за статистика на Македонија. 2002. Посетено на 26 март 2021.
- ↑ К’нчов, Васил. „Македонија. Етнографија и статистика“. Софија, 1900
- ↑ Brancoff, D.M. „La Macédoine et sa Population Chrétienne“. Paris, 1905.
- ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
- ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
- ↑ Коцо, Димче (1996). Археолошка карта на Република Македонија. II. Скопје: Македонска академија на науките и уметностите. ISBN 9989649286.
Надворешни врски уреди
Припор (Кочанско) на Ризницата ?
