Пониква
Пониква — туристички центар и викенд-населба на Осоговските Планини во источна Македонија. Оддалечен е околу 20 км северно од Кочани, на надморска височина од 1.560 метри во предел со густа букова шума и разновидна вегетација.[1] Зацртан како еден од 34-те зимски туристички центри во просторниот план на Република Македонија, Пониква зазема особено важно место во развојот на туризмот и општиот развој на Осоговијата.
Туризам уреди
Урбаниот простор опфаќа два ски-лифта, викенд-куќи (единечни и двојни), автокампови, бунгалови, објекти за дневно снабдување, повеќенаменски простори, терени за спорт и рекреација, хотели, одморалишта, угостителски објекти, сервис и услуги за скијачка опрема. На Пониква, покрај викенд-населбата, неколкуте мотели, има и детско одморалиште со капацитет од 220 легла.
Природните убавини, еколошки чистиот амбиент и поволната клима се одлични предуслови за големата посетеност на туристите. За да има можност за побрз развој, на туризмот на месноста Пониква, потребно е да се изврши подобрување и довршување на инфраструктурата, обезбедување на доволни количини вода и електрична енергија. Покрај веќе изградените спортски терени сè повеќе се најавуваат иницијативи и потенцијални заинтересирани инвеститори за изградба на патеки за биатлон и нордиско трчање. Покрај Пониква на Осоговијата има и други извонредни места за изградба на патеки за скијање со поголема должина, како што се терените под Царев Врв (Султан Тепе - 1085 м).
- Цркви
- Црква „Св. Василиј Велики“ - манастирска црква осветена на 31 август 2014 година;[2]
Природни богатства уреди
Како посебна туристичка атракција, за љубителите на ловот, во непосредна близина на спортско-рекреативниот центар Пониква, се наоѓа и резерват за дивеч. Комерцијалното ловиште-резерват им нуди на посетителите можност за лов на елени, срни, елени-лопатари, муфлони, диви свињи, како и сместување.
Поврзано уреди
- Осоговски Планини
- Кочанска Котлина
- Пониква — истоимено село во Словенија
Наводи уреди
- ↑ „Пониква“. Архивирано од изворникот на 2010-12-08. Посетено на 2011-03-21.
- ↑ „Собор на манастирот Св. Василиј Велики на Пониква по повод денот на осветувањето“. Архивирано од изворникот на 2016-03-05. Посетено на 2014-09-01.
Надворешни врски уреди
| „Пониква“ на Ризницата ? |
- Пониква - еликсир за белите дробови на порталот Истражи ја Македонија
- „Пониква Инфо“ Архивирано на 26 февруари 2011 г. — туристички инфопортал
- Ресторан Осоговски бисер - Пониква, Кочани, Македонија Архивирано на 30 март 2016 г.
- Мотел - ресторанот „Мице“- Пониква; Македонија Архивирано на 25 февруари 2011 г.
- Пониква станува нова туристичка убавица