Персиската мачка ( персиски: گربه پارسی ) е долго-влакнеста раса на мачки која се одликува со тркалезно лице и кратка муцка. Во земјите од англиско говорно подрачје е позната и како „персиска долго-влакнеста“. Првите документирани предци на персиските мачки биле увезени во Италија од Персија околу 1620 година [1][2] Широко признати за убави мачки од крајот на 19 век, персиските мачки први биле одледувани од Англичаните, а потоа главно од американците по Втората светска војна. Некои љубители на мачки ги сметаат хималајските и егзотичните кратко-влакнести како варијанти на оваа раса, додека други ги третираат како посебни раси.

Персиска мачка

Селективното размножување спроведено од одгледувачите на мачки, овозможило развој на широк спектар на бои на крзното, но исто така довело до создавање на персиски мачки со сè порамно лице . Фаворизирана од обожавателите, оваа структура на главата може да донесе со себе голем број здравствени проблеми. Како што е случајот со сијамската раса, имало напори од страна на некои одгледувачи да го зачуваат постариот тип на мачки, традиционалната раса, со поизразена муцка. Наследната полицистична бубрежна болест е распространета кај оваа раса, која влијае на речиси половина од популацијата во некои земји.[3][4]

Во 2021 година, персиските мачки биле рангирани како четврта најпопуларна раса на мачки во светот според Здружението на љубители на мачки, американски непрофитен регистар за мачки.[5]

Потекло уреди

Не е јасно кога за прв пат се појавиле долго-влакнести мачки, бидејќи не постојат познати примероци со долго влакно на африканската дива мачка, предок на домашниот подвид.

 
Ангора/Персиец од Кралската природна историја (1894)

Првите документирани предци на персиската мачка биле увезени од Хорасан, Персија, на италијанскиот полуостров во 1620 година од страна на Пјетро дела Вале ; и од Ангора (сега Анкара ), Отоманска Турција, во Франција од Николас-Клод Фабри де Переск во исто време. Хорасанските мачки ( персиски: گربه خراسانی ) биле обложени со сиво, додека оние од Ангора биле бели. Од Франција, набрзо стигнале до Велика Британија .[6]

Неодамнешните генетски истражувања покажуваат дека денешните персиски мачки не се поврзани со расите на мачки од Блискиот Исток, туку со оние од Западна Европа, при што истражувачите наведуваат дека „Иако раната персиска мачка всушност потекнува од Персија, современата персиска мачка го изгубила својот филогеографски потпис“.[7]

Развој уреди

Персиски мачки и Ангорски мачки уреди

  Првата персиска мачка била претставена на првото организирано шоу за мачки, во 1871 година во Кристал Палас во Лондон, Англија, организирано од Харисон Вир . Како што примероците поблиску до подоцна воспоставената персиска конформација станаа попопуларни типови, беа направени обиди да се разликува од Ангорската мачка .[8] Првиот стандард за раса (тогаш наречен листа на поени на извонредност ) бил издаден во 1889 година од страна на промоторот на изложбата за мачки, Веир. Веир изјавил дека Персијката се разликувала од Ангора по тоа што опашката била подолга, влакното пополно и погусто на крајот и главата поголема, со помалку зашилени уши.[9]

Дороти Бевил зборува за разликата помеѓу двата вида во Книгата за сите мачки од 1909 година:[10]

Денешните долго-влакнести мачки со педигре се несомнено добиени со вкрстување на ангорската и персиската мачка; втората има позаоблена глава од првата, исто така крзното е со сосема поинаков квалитет.

Бевил забележал дека ангорските мачки и персиските мачки биле вештачки вкрстени, што резултирало со подобрување за секоја раса, но исто така тврди дека долго-влакнестата мачка добиена од вкрстувањето од 1909 година добила значително поголемо карактерситики од персиската мачка, отколку од ангорската.

Белвил изразил жалење поради недостатокот на дистинкција помеѓу различните типови на долго-влакнести мачки од страна на англиските љубители на мачки, кои во 1887 година решиле да ги групираат под терминот „долго-влакнести мачки“.[10][11]  ]

Традиционална персиска мачка уреди

 
Традиционални персиски мачки

Традиционални персиски, или персиски со лице на кукла,[12] се донекаде неодамнешни имиња за она што во суштина е оригиналната раса на персиска мачка, без развој на екстремни одлики.

Бидејќи многу одгледувачи на мачки во Соединетите Американски Држави, Германија, Италија и други делови од светот почнале да го толкуваат персискиот стандард за убавина поинаку, тие со текот на времето го развиле „пеке-лице“ или „ултра-тип“ со рамен нос, како резултат на две генетски мутации, без промена на името на расата од „персиски“. Некои организации, вклучително и Здружението на љубители на мачки (ЦФА), го сметаат типот на пеке-лице како нивен модерен стандард за персиската раса. Така, ретронимот традиционални персиски мачки е создаден за да се однесува на оригиналниот тип, кој сè уште се одгледува, на ист начин како преименувањето на сијамската мачка во оригинален стил како Традиционална сијамска или тајландска, за да се разликува од долгогодишниот модерен развој што го презеле како едноставно „сијамски“ мачки.

Пеке-лице и ултра-тип уреди

Во доцните 1950-ти, спонтана мутација на црвените персиски персијци го родила персискиот „пеке-лице“, именуван по кучето пекинезер со рамно лице. Таа била регистрирана како посебна раса во ЦФА, но не била распостранета до средината на 1990-тите поради сериозни здравствени проблеми; само 98 мачки биле регистрирани помеѓу 1958 и 1995 година. И покрај тоа, на одгледувачите на мачки им се допаднал изгледот и почнале да ги размножуваат персиските мачки со пеке-лице. Прекумерното акцентирање на одликите на расата со селективно одгледување (наречено екстремно или ултра типизирање ) дало резултати слични на персиските мачки со лицето на пеке. Терминот пеке-лице се користи за да се однесува на ултра-типизираната персиска мачка, но правилно се користи само за да се однесува на црвените таблести Персијци кои ја носат мутацијата. Многу љубители и судии на ЦФА сметаа дека промената на изгледот е „придонес за расата“.[13][14][15][16]   

 
Персиска мачка со умерени одлики

Додека изгледот на персиските мачки се менувал, стандардот на Советот за персиски раси за персискиот вид останал во основа ист. Стандардот за персиската раса е, по својата природа, донекаде отворен и фокусиран на заоблена глава, големи, широко распространети тркалезни очи со горниот дел од носот усогласени со дното на очите. За стандарни персиски мачки одликите се, заоблено тело со кратки, добро обликувани нозе, широки гради и кружен изглед, речиси сè за идеалната персиска мачка се смета за „округло“. Дури кон крајот на 1980-тите, стандардите биле променети за да се ограничи развојот на екстремниот изглед.[17] Во 2004 година, во стандардот за раса било додадено дека муцката не треба да биде премногу изразена.[18] Стандардите биле изменети уште еднаш во 2007 година, овој пат за да го рефлектираат рамното лице, а сега се вели дека челото, носот и брадата треба да бидат во вертикално порамнување.[19]

Варијанти уреди

Химелајска мачка уреди

 
Хималајскиот вид е создаден со вкрстување на персискита со сијамската мачка. Ова вкрстување , исто така, ги довелочоколадните бои во еднобојните Персијци.

Во 1950 година, сијамската мачка била вкрстена со персиската мачка за да се создаде раса со тип на тело на персиска, но боја на сијамките. Името го добило Химелајска мачка, по други животни со шарени точки како што е хималајскиот зајак . Хималајската мачка се водела како посебна раса во САД до 1984 година, кога ЦФА ја споила со персиската, на приговорот на советите на расите на двете раси. Некои персиски одгледувачи не биле задоволни од воведувањето на оваа мелез мачка во нивните „чисти“ персиски линии.[20]  ]

Егзотична кратко-влакнеста мачка уреди

 
Егзотична кратко-влакнеста мачка е слична на персисиската по темперамент и тип, но има кратко, густо влакно.

Персиската била вкрстена тајно од некои американски одгледувачи на кратки влакна (АСХ) во доцните 1950-ти за да се „подобри“ нивната раса. Изгледот на мелезот добил признание, но другите одгледувачи биле незадоволни од промените и се залагале за нови стандарди за раса кои ќе ја дисквалификуваат вкрстената кратко-влакнеста мачка.

Одлегудвачите на овие мачки кои го виделе потенцијалот на вкрстувањето предложиле, и на крајот успеале, да ја натераат ЦФА да ја признае како нова раса во 1966 година, под името Егзотична кратко-влакнеста мачка . Редовното вкрстосување со персиската ја направила денешната егзотична кратко-влакнеста мачка слична со персиската во секој поглед, вклучувајќи го и темпераментот и конформацијата, со исклучок на краткото густо влакно. Оваа мачка дури и наследила голем дел од здравствените проблеми на персиската мачка. Поради полесното за четкање некои Егзотичните кратко-влакнеста мачка да ја наречат „персиска мачка за мрзеливиот човек“.

Поради редовното вкрстосување со персиската, некои егзотички кратко-влакнести мачки може да носат копија од рецесивниот ген за долго крзно. Кога две такви мачки се парат, има една од четири шанси за потомството да биде со долга коса. Овие мачки не се сметаат за персиски од ЦФА, иако Меѓународната асоцијација за мачки ги прифаќа како персијци. Други здруженија ги регистрираат како посебна раса на егзотични долго-влакнести мачки.[21]  ]

Долго-влакнеста Чинчила и Стерлинг мачка уреди

 
Сребрена персиска мачка со т.н „кукла лице"

Во САД, постоеше обид да се воспостави сребрената персискиа мачка како посебна раса наречена Стерлинг, но тоа не било прифатено. Овој вид на мачки се признати како персиски мачки од ЦФА. Во Јужна Африка, обидот да се одвои расата бил поуспешен; Советот за мачки на Јужна Африка (СМЈА) ги регистрирала мачките со пет генерации чистокрвни чинчила како долго-влакнести чинчила мачки. Овие мачки имаат малку подолг нос од персискиот, што резултира со поздраво дишење и помалку солзење на очите. Неговото крзно е проѕирно, а само врвовите носат црн пигмент, одлика што се губи кога ќе се вкрсти со други обоени Персијци. Надворешното вкрстување, исто така, може да резултира со губење на облогата на носот и усните. Една од одликите на оваа раса е сино-зелената или зелената боја на очите.[22]

Популарност уреди

 
Популарноста на персиската мачка (сина линија) во Велика Британија опадна во последните две децении

Во 2008 година, персиската мачка била најпопуларната раса на педигре мачки во САД.[23] Во Обединетото Кралство, бројот на регистрирани персиски мачки кои се чуваат во домашни услови се намалил од раните 1990-ти, а персиската мачка го загубила своето прво место од британската кратко влакнеста мачка во 2001 година. Во 2012 година, таа била 6-та најпопуларна раса, зад британската влакнеста мачка, рагдолска мачка, сијамска мачка, Мејн Кун и бурманска.[24] Во Франција, персиската е единствената раса чија регистрација се намалила помеѓу 2003 и 2007 година, опаѓајќи за повеќе од една четвртина.[25]

Класификација по регистри уреди

 
Персиска мачка како домашно милениче во иранска куќа
 
Чоколадна боја на периска мачка

Стандардите за раса на различни организации на љубители на мачки може да ги третираат хималајските и егзотичните кратко- влакнести (или едноставно егзотичните) како варијанти на персиската или како посебни раси. Здружението на љубители на мачки (ЦФА) ги третира химелајските мачки како вид со бои и на персиската и на егзотичната, кои имаат посебни, но речиси идентични одлики (се разликуваат по должината на крзното).[26] Меѓународната асоцијација за мачки (МАМ) ги третира и двете како варијанти на персиската.[27] Светската федерација на мачки (СФМ) ги третира персиските и егзотичните кратко-влакнести како посебни раси.[28]

Одлики уреди

Персиската мачка, која најчесто се одледува има екстремно долго и дебело крзно, кратки нозе, широка глава со ушите поставени далеку, големи очи и екстремно скратена муцка. Расата првично била основана со кратка муцка, но со текот на времето, оваа одлика станала крајно претерана, особено во Северна Америка. Персиските мачки може да ги имаат речиси сите бои.

Персиската мачка генерално се опишува како тивка мачка. Мирна по природа, доста добро се прилагодува на станбениот живот. Хималајските мачки имаат тенденција да бидат поактивни поради влијанието на сијамските особини. Во една студија која ги споредувала перцепциите на сопствениците на мачки за нивните мачки, Персиските мачки биле повисоко рангирани од мачките без потекло за блискоста и наклонетоста кон сопствениците, пријателството кон странците, чистотата, предвидливоста, вокализацијата и превземањето на храната.[29]

Здравје и животен век уреди

Податоците за осигурување на домашни миленици од Шведска покажуваат дека просечниот животен век на мачките од персиската група (Персијци, Чинчили, Хималаи и Егзотични) е нешто над 12,5 години, додека повеќето мачки живеат до околу 15 години. 76% од оваа група живееле до 10 години или повеќе, а 52% доживеале 12,5 или повеќе години.[30] Податоците од ветеринарната клиника од Англија покажуваат просечен животен век од 12-17 години, со средна вредност од 14,1.[31]

Современата брахицефална мачка има голем заоблен череп и скратено лице и нос. Оваа конформација на лицето ја прави расата склона кон тешкотии со дишењето, проблеми со кожата и очите и тешкотии при раѓање. Анатомските абнормалности поврзани со брахицефаличните раси може да предизвикаат отежнато дишење .[32] Неправилно формираните солзни канали предизвикуваат епифора, прелевање на солзи на лицето, што е вообичаено. Ентропион, преклопување на очните капаци навнатре, предизвикува триење на трепките на рожницата и може да доведе до кинење, болка, инфекција и оштетување на рожницата. Оваа состојба не е невообичаена кај персиските мачки и обично го опфаќа медијалниот аспект на долниот очен капак.[33] Слично на тоа, кај трихијаза на горните очни капаци или трихијаза на назални набори, трепките/влакното од очниот капак и влакната од наборот на носот во близина на окото растат на начин што се тријат на рожницата.[34] Дистоција, абнормално или тешко породување, е релативно честа појава кај персиските мачки.[35] Следствено, стапката на мртвородени мачиња е повисока од нормалната, која се движи од 16,1% до 22,1%, а една студија од 1973 година ја става стапката на смртност на мачиња (вклучувајќи мртвородени) на 29,2%.[36] Ветеринарната студија во 2010 година ги документирала сериозните здравствени проблеми предизвикани од брахицефаличната глава.[37]

 
19,5 годишна традиционална персиска мачка. Таква долговечност е ретка кај оваа раса.[30]

Како последица на програмата на Би-Би-Си Pedigree Dogs Exposur, одгледувачите на мачки, исто така, биле под притисок од ветеринарните здруженија и здруженијата за заштита на животните, при што персиската била издвоена како една од најпогодените раси од здравствени проблеми.[38] Приврзаниците на благосостојбата на животните предложиле промени во стандардите за раси за да се спречат болестите предизвикани од прекумерно или ултра типизирање и да се забрани размножување на животни надвор од поставените граници.[39] Освен стандардот ГЦЦФ која ги ограничува високите носеви, стандардите ТИЦА [27] и ФИФе бараат ноздрите да бидат отворени, при што ФИФe наведува дека ноздрите треба да овозможат „слободен и лесен премин на воздух“. Германскиот закон за благосостојба на животните исто така забранува одгледување на брахицефалични мачки кај кои врвот на носот е повисок од долните очни капаци.[37]

Полицистичната бубрежна болест (ПКД) која предизвикува откажување на бубрезите кај погодените возрасни мачки има стапка на инциденца од 36-49% кај персиската раса.[40] Расата - и изведените, како британската долго-влакнеста мачка и химелајската мачка - се особено склони кон автосомно доминантна полицистична бубрежна болест (AДПKД).[41] Цистите се развиваат и растат во бубрегот со тек на времето, заменувајќи ги ткивата на бубрезите и зголемувајќи го бубрегот. Бубрежна инсуфициенција се развива подоцна во животот, на просечна возраст од 7 години (во опсег од 3 до 10 години). Симптомите вклучуваат прекумерно пиење и мокрење, намален апетит, губење на тежината и депресија.[42] Болеста е автосомно доминантна и ДНК скринингот е претпочитан метод за елиминирање на генот во расата. Поради ДНК тестирањето, повеќето одговорни персиски одгледувачи сега имаат мачки кои повеќе не го носат генот ПКД, па оттука и нивните потомци го немаат тој ген. Пред да биде достапен ДНК скринингот, се користел ултразвук. Сепак, ултразвукот е добар само во денот кога ќе се направи, а многу мачки за кои се сметало дека се здрави, всушност биле носители на генот ПКД. Само преку скрининг на ДНК и размножување мачки кои се негативни за генот ПКД во иднина ќе има мачиња кои се исто така негативни за генот, ефикасно отстранувајќи го овој ген.[43]

Хипертрофичната кардиомиопатија е честа срцева болест која се појавува кај сите мачки. Кај персисиската мачка веројатно е наследна. Болеста предизвикува задебелување на левата срцева комора, што во некои случаи може да доведе до ненадејна смрт. Има тенденција да ги погоди мачорите и мачките од средна до стара возраст. Пријавената стапка на инциденца кај персиските мачки е 6,5%.[44] За разлика од ПКД, која може да се открие дури и кај многу млади мачки, срцевите тестови за ХЦМ треба да се прават редовно со цел ефикасно да се следи состојбата .

Прогресивната ретинална атрофија е дегенеративно очно заболување, со автосомно рецесивен начин на наследување кај персиските мачки.[45] Базално-клеточниот карцином е рак на кожата кој најчесто се манифестира како израсток на главата, грбот или горниот дел од градниот кош. Иако често се доброќудни, ретки случаи на малигнитет може да се појават кај Персиските мачки.[46] Сините персиски мачки се предиспонирани за синдромот Чедијак-Хигаши . Белите мачки, вклучувајќи ги и белите персијци, се склони кон глувост, особено оние со сини очи.[47] Персијците се повеќе склони кон несакани ефекти на лекот за рингворм Грисеофулвин .[48]

Како и кај кучињата, дисплазијата на колкот влијае на поголемите раси, како што се Мејн Кунс и Персијците. Малата големина на мачките значи дека тие имаат тенденција да не бидат толку погодени од оваа болест.[46] Персијците се подложни на малоклузија (неправилен залак), што може да влијае на нивната способност да ја фатат, држат и џвакаат храната.[46] Рамното лице на Персиецот може да го отежне подигањето на храната, толку многу што специјално обликуваните кипови се создадени од компаниите за храна за домашни миленици за да им помогнат на Персијците.[49]

Други болести на кои персиската мачка е предиспонирана се наведени подолу:[50]

  • Дерматолошка – примарна себореја, идиопатска периокуларна кора, дерматофитоза (рингворм),[51] пиодерма на фацијални набори, идиопатски дерматитис на лицето (исто така и синдром на валкано лице), повеќе епитријални цисти (очни капаци)
  • Окуларна – колобома, солзна пунктална аплазија, корнеална секвеструм, вродена катаракта [33]
  • Уринарна-калциум оксалат уролитијаза ( болест на долниот уринарен тракт кај мачки )
  • Репродуктивно - крипторхизам
  • Гастроинтестинален – вроден портосистемски шант,[52] вродена полицистична болест на црниот дроб (поврзана со ПКД)
  • Кардиоваскуларна - перитонеоперикардна дијафрагмална хернија
  • Имунолошко – системски лупус еритематозус
  • Невролошка - алфа-манозидоза
  • Неопластичен - базално-клеточен карцином, тумори на лојните жлезди
  • Прекумерно солзење на очите
  • Вцрвенување на очите
  • Чувствителност на топлина
  • Предиспозиција за рингворм, габична инфекција

Иако овие здравствени проблеми се чести, многу персиски мачки немаат ниту еден од овие проблеми.

Здравје и етика уреди

Персиските мачки, познати по структурата на лицето(сплескано лице), предизвикуваат загриженост за етиката за размножување на мачки со овие одредени деформитети.

Брахицефалијата е многу барана одлика од страна на љубителите на мачки, што создава големи очи слични на був и целокупно минијатурно лице. Иако оваа одлика прави мачката биде „поубава“, тоа резултира со многу здравствени проблеми, вклучително и нефункционални назолакримални системи каде солзите се наталожуваат и течат по лицето, меко и долго непце што ги попречува горните дишни патишта, а со тоа го отежнува дишењето и исто така дефекти на забите и вилицата. (брахигнатија) каде забите растат нанадвор во неприродни позиции, што го отежнува јадењето и ја зголемува можноста за формирање на наслаги гингивитис.

Ваквите здравствени проблеми влијаат на квалитетот на животот на многу персиски мачки, особено на оние кои спаѓаат во одредена категорија, и покренуваат прашања за етичноста и законитоста на овие програми за размножување на мачки со деформитети.

Персиските мачки во уметноста уреди

Во светот на уметноста, уметниците веќе долго време ја покажуваат нивната љубов кон персиската мачка овековечувајќи ја во уметноста. Едно уметничко дело за кое се тврди дека е „најголемата слика на мачки во светот“ е продадено на аукција за повеќе од 820.000 долари. Масло портретот од крајот на 19 век се нарекува Љубовниците на мојата сопруга, а некогаш му припаѓал на богат филантроп кој нарачал уметник да го наслика огромниот асортиман на својата сопруга, составен од турски ангорски мачки и персиски мачки. Други популарни персиски слики вклучуваат една бела персиска мачка од познатиот народен уметник Ворен Кимбл и две бели персиски мачки како гледаат во чинија со златна рипка, насликана од покојниот портретист на мачки Артур Хејер . Персиска мачка се наоѓа и на уметнички поштенски марки ширум светот.[53][54][55][56][57]

Наводи уреди

Надворешни врски уреди

  1. „Persian Cat Information | Persian Cat Corner“. Persian Cat Resource.
  2. „Breed Profile: The Persian“. www.cfa.org. Посетено на January 1, 2020.
  3. „Polycystic kidney disease | International Cat Care“. icatcare.org. Посетено на July 8, 2016.
  4. „Polycystic Kidney Disease“. www.vet.cornell.edu. Посетено на July 8, 2016.
  5. „The Cat Fanciers' Association Announces Most Popular Breeds for 2020“. cfa.org. February 25, 2021. Посетено на April 8, 2021.
  6. „The History of Persian Cats | Cat Owner Club“. www.catownerclub.com. Архивирано од изворникот на 2022-01-24. Посетено на February 23, 2020.
  7. Lipinski, Monika J.; Froenicke, Lutz; Baysac, Kathleen C.; Billings, Nicholas C.; Leutenegger, Christian M.; Levy, Alon M.; Longeri, Maria; Niini, Tirri; Ozpinar, Haydar (January 2008). „The Ascent of Cat Breeds: Genetic Evaluations of Breeds and Worldwide Random Bred Populations“. Genomics. 91 (1): 12–21. doi:10.1016/j.ygeno.2007.10.009. PMC 2267438. PMID 18060738.
  8. Helgren, J. Anne. (2006). „Cat Breed Detail: Persian Cats“. Iams.com. Telemark Productions / Procter & Gamble. Архивирано од изворникот на November 19, 2008. Посетено на July 9, 2015.
  9. Weir, Harrison (1889). Our Cats and All About Them. Tunbridge Wells, UK: R. Clements & Co. LCCN 2002554760. OL 3664970M. Посетено на July 9, 2015.
  10. 10,0 10,1 Champion, Dorothy Bevill (1909). Everybody's Cat Book. New York: Lent & Graff. стр. 17. LCCN 10002159. OCLC 8291178. OL 7015748M. Посетено на July 9, 2015.
  11. Helgren, J. Anne (2006). „Cat Breed Detail: Turkish Angora“. Iams.com. Telemark Productions / Procter & Gamble. Архивирано од изворникот на May 9, 2010. Посетено на July 9, 2015.
  12. „Cats and Kittens: Maine coon Kittens“. Посетено на March 17, 2016.
  13. Hartwell, Sarah (2013). „Longhaired Cats“. Messybeast Cats. Sarah Hartwell. Посетено на July 9, 2015.
  14. Saunders, Lorraine (November 2002). „Solid Color Persians Are...Solid As a Rock?“. Cat Fanciers' Almanac. Cat Fanciers' Association. Архивирано од изворникот на December 1, 2010. Посетено на July 9, 2015.
  15. Brocato, Judy; Brocato, Greg (March 1995). „Stargazing: A Historical View of Solid Color Persians“. Cat Fanciers' Almanac. Cat Fanciers' Association. Архивирано од изворникот на December 1, 2010. Посетено на July 9, 2015.
  16. Hartwell, Sarah (2010). „Novelty Breeds and Ultra-Cats – A Breed Too Far?“. Messybeast Cats. Посетено на July 9, 2015.
  17. Shaun. „Why Do Persian Cats Look Angry?“. Persian Cat Corner (англиски). Посетено на February 23, 2020.
  18. „2003 Breed Council Ballot Proposals and Results“. CFA Persian Breed Council. 2004. Посетено на October 17, 2009.
  19. „2006 Breed Council Ballot Proposals and Results“. CFA Persian Breed Council. 2007. Посетено на October 17, 2009.
  20. Helgren, J. Anne. (2006). „Cat Breed Detail: Himalayan“. Iams.com. Telemark Productions / Procter & Gamble. Архивирано од изворникот на November 19, 2008. Посетено на July 9, 2015.
  21. Helgren, J. Anne. (2006). „Cat Breed Detail: Exotic Shorthair“. Iams.com. Telemark Productions / Procter & Gamble. Архивирано од изворникот на November 19, 2008. Посетено на July 9, 2015.
  22. Difference Between Chinchilla Rodent and Chinchilla Cat Архивирано на 3 јули 2017 г. Chinchillafactssite.com
  23. 2008 Top Pedigreed Breeds Архивирано на {{{2}}}. CFA. March 2009.
  24. „Analysis of Breeds Registered“ (PDF). Governing Council of the Cat Fancy. 2013. Архивирано од изворникот (PDF) на December 30, 2013. Посетено на December 30, 2013.
  25. Javerzac, Anne-marie (2008). „Palmarès du chat de race en France: Les données 2008 du LOOF“ (француски). ANIWA. Архивирано од изворникот на October 26, 2008.
  26. „Persian Show Standard“ (PDF). CFAInc.com. Alliance, Ohio: Cat Fanciers' Association. 2015. Архивирано од изворникот (PDF) на 2015-07-10. Посетено на July 9, 2015.
  27. 27,0 27,1 „Persian Breed Group“ (PDF). TICA.org. Harlingen, Texas: The International Cat Association. May 1, 2004. Архивирано од изворникот (PDF) на August 2, 2010. Посетено на July 9, 2015.
  28. „Breed Standards: Persian–Colourpoint“ (PDF). WCF-Online.de. Essen, Germany: World Cat Federation. January 1, 2010. Архивирано од изворникот (PDF) на 2020-11-29. Посетено на July 9, 2015.
  29. Turner, D. C. (2000). „Human-cat interactions: relationships with, and breed differences between, non-pedigree, Persian and Siamese cats“. Во Podberscek, A. L.; Paul, E. S.; Serpell, J. A. (уред.). Companion Animals & Us: Exploring the Relationships Between People & Pets. Cambridge, UK: Cambridge University Press. стр. 257–271. ISBN 978-0-521-63113-6.
  30. 30,0 30,1 Egenvall, A.; Nødtvedt, A.; Häggström, J.; Ström Holst, B.; Möller, L.; Bonnett, B. N. (2009). „Mortality of Life-Insured Swedish Cats during 1999—2006: Age, Breed, Sex, and Diagnosis“. Journal of Veterinary Internal Medicine. 23 (6): 1175–1183. doi:10.1111/j.1939-1676.2009.0396.x. PMC 7167180. PMID 19780926.
  31. O'Neill, D. G. (2014). „Longevity and mortality of cats attending primary care veterinary practices in England“ (PDF). Journal of Feline Medicine and Surgery. 17 (2): 125–33. doi:10.1177/1098612X14536176. PMID 24925771. "n=70, median=14.1, IQR 12.0-17.0, range 0.0-21.2"
  32. Künzel, W.; Breit, S.; Oppel, M. (2003). „Morphometric Investigations of Breed-Specific Features in Feline Skulls and Considerations on their Functional Implications“. Anatomia, Histologia, Embryologia. 32 (4): 218–223. doi:10.1046/j.1439-0264.2003.00448.x. PMID 12919072.
  33. 33,0 33,1 Kirk N. Gelatt, уред. (2021). Veterinary ophthalmology (Sixth. изд.). Hoboken, NJ. ISBN 978-1-119-44181-6. OCLC 1143827380.
  34. Stades, Frans Cornelis; и др. (2007). Ophthalmology for the Veterinary Practitioner (2 rev. and expanded. изд.). Hannover: Schlütersche. ISBN 978-3-89993-011-5.
  35. Gunn-Moore, D. A.; Thrusfield, M. V. (1995). „Feline dystocia: prevalence, and association with cranial conformation and breed“. Vet Rec. 136 (14): 350–353. doi:10.1136/vr.136.14.350. PMID 7610538.
  36. Susan Little Aspects of Reproduction and Kitten Mortality in the Devon Rex cat And a Review of the Literature Devon Rex Kitten Information Project
  37. 37,0 37,1 Schlueter, C.; Budras, K. D.; Ludewig, E.; Mayrhofer, E.; Koenig, H. E.; Walter, A.; Oechtering, G. U. (2009). „Brachycephalic feline noses: CT and anatomical study of the relationship between head conformation and the nasolacrimal drainage system“ (PDF). Journal of Feline Medicine & Surgery. 11 (11): 891–900. doi:10.1016/j.jfms.2009.09.010. PMID 19857852.
  38. Copping, Jasper (March 14, 2009). „Inbred pedigree cats suffering from life-threatening diseases and deformities“. The Daily Telegraph. London. Архивирано од изворникот на March 17, 2009. Посетено на November 8, 2009.
  39. Steiger, Andreas (2005). „Chapter 10: Breeding and Welfare“. Во Rochlitz, Irene (уред.). The Welfare of Cats. 3. Springer. ISBN 978-1-4020-6143-1.[мртва врска]
  40. „Polycystic Kidney Disease“. Genetic welfare problems of companion animals. Universities Federation for Animal Welfare. Архивирано од изворникот на April 3, 2012. Посетено на August 4, 2012.
  41. Bell, Jerold; Cavanagh, Kathleen; Tilley, Larry; Smith, Francis W. K. (2012). Veterinary Medical Guide to Dog and Cat Breeds. Teton NewMedia. стр. 558–559. ISBN 9781482241419.
  42. Hosseininejad, M.; Vajhi, A.; Marjanmehr, H.; Hosseini, F. (2008). „Polycystic kidney in an adult Persian cat: Clinical, diagnostic imaging, pathologic, and clinical pathologic evaluations“. Comparative Clinical Pathology. 18: 95–97. doi:10.1007/s00580-008-0744-0.
  43. Lyons, Leslie. Polycystic Kidney Disease (PKD) Архивирано на 5 ноември 2009 г. Feline Genome Project
  44. Norsworthy, Gary D.; Crystal, Mitchell A.; Fooshee Grace, Sharon; Tilley, Larry P. (2007). The Feline Patient. Wiley-Blackwell. стр. 34. ISBN 978-0-7817-6268-7.
  45. Rah, H; Maggs, D. J.; Blankenship, T. N.; Narfstrom, K; Lyons, L. A. (2005). „Early-onset, autosomal recessive, progressive retinal atrophy in Persian cats“. Investigative Ophthalmology & Visual Science. 46 (5): 1742–7. doi:10.1167/iovs.04-1019. PMID 15851577.
  46. 46,0 46,1 46,2 Cat Owner's Home Veterinary Handbook
  47. Strain, George M. Cat Breeds With Congenital Deafness
  48. Griseofulvin (Fulvicin) VeterinaryPartner.com
  49. Persian 30 Royal Canin
  50. Gould, Alex; Thomas, Alison (2004). Breed Predispositions to Diseases in Dogs and Cats. Ames, Iowa: Blackwell Publishing. ISBN 978-1-4051-0748-8.
  51. „Dermatophytosis“. Genetic welfare problems of companion animals. Universities Federation for Animal Welfare. Архивирано од изворникот на March 11, 2014. Посетено на August 4, 2012.
  52. „Portosystemic Shunt“. Genetic welfare problems of companion animals. Universities Federation for Animal Welfare. Архивирано од изворникот на March 28, 2015. Посетено на August 4, 2012.
  53. „Sotheby's Is Auctioning Off What Might Be the World's Largest Cat Painting“ (англиски). October 26, 2015. Посетено на June 20, 2017.
  54. „Carl Kahler My Wife's Lovers Auction | Architectural Digest“. Architectural Digest (англиски). Посетено на June 20, 2017.
  55. „10 Fancy Facts About Persian Cats“ (англиски). November 20, 2015. Посетено на June 20, 2017.
  56. „U.S. Postal Stamps Will Feature Cats In 2016“. iHeartCats.com – Because Every Cat Matters ™ (англиски). Посетено на June 20, 2017.
  57. „The Top 10 Smartest Cat Breeds In The World“. Pets or Animals (англиски). January 4, 2020. Архивирано од изворникот на 2021-12-07. Посетено на January 20, 2020.