Париски кодекс
Париски кодекс (исто така познат како Кодексот Пересиниус и Кодексот Перес) е еден од трите преживеани општо прифатени пред-колумбовски мајански книги кои потекнуваат од посткласичниот период на мезоамериканската хронологија (околу 900-1521).[1] Документот е многу слабо сочуван и претрпел значителна штета на рабовите, што довело до губење на некои делови од текстот. Кодексот во голема мера се однесува на циклусот на тринаесетте циклуси од 20-годишниот катун и вклучува детали на мајанските астрономски знаци.
| Париски кодекс | |
|---|---|
| Национална библиотека на Франција | |
 Последните две страници од Парискиот кодекс, каде е прикажан мајанскиот „зодијак“ | |
| Наречен(а) и | Кодекс Пересиниус, Кодекс Перес |
| Тип | кодекс |
| Година на изработка | посткласичен период (околу 900-1521) |
| Место на изработка | Јукатан, Мексико |
| Изворен јазик | Мајански јазик |
| Големина | 140 на 23,5 сантиметри |
| Состојба | оштетен |
| Писмо | Мајански ракописи |
| Содржина | ритуали и календари |
| Откриен | 1859 во Царска библиотека |
Парискиот кодекс се смета дека е создаден во западен Јукатан, најверојатно на Мајапан. Датиран е околу 1450 година, во доцниот посткалсичен период (1200–1525 година). Во поново време се сугерира дека овој текст потекнува од 1185 година, со што овој документ се вбројува меѓу оние настанати во почетокот на посткласичниот период (900-1200 година). Како и да е, астрономските и календарските информации кои ги содржи кодексот се во контекст на циклусот од класичниот период (од 731 до 987 година), со што се покажува дека можеби овој кодекс е копија на претходен документ.
Парискиот кодекс се чува во Националната библиотека на Франција во Париз, каталогизиран како Мексикански документ 386.[2]