Општа спогодба за царини и трговија

Општа спогодба за царините и трговијата (англиски: General Agreement on Tariffs and Trade, GATT) — мултилатерална спогодба за слободна трговија склучена во 1947 година. Таа претставува претходничка на Светската трговска организација.

Историја уреди

Општата спогодба за царините и трговијата била склучена во 1947 година, а со текот на времето неа ја потпишале повеќе од 100 земји кои учествувале со повеќе од 90 % во светската трговија. Основната цел на оваа спогодба била намалувањето на царините и на другите ограничувања на меѓународната трговија, како и спречување на едностраните мерки на земјите-потписнички насочени против слободната трговија.[1]

Преговорите во рамките на ГАТТ уреди

Отстранувањето на царините и на другите пречки на слободната трговија во рамките на ГАТТ се спроведувале постепено преку неколку т.н. рунди кои претставуваат мултилатерлани преговори меѓу земјите-потписнички на ГАТТ. Од првата рунда (т.н. Женевска рунда од 1947 година) до шестата рунда (т.н. Кенедиева рунда од 1964-1967) преговорите биле насочена кон намалување на царините. Седмата рунда е позната како Токиска рунда (1973-1979) ги опфатила нецаринските ограничувања, како што се квотите. Уругвајската рунда (1986-1994) била најобемна и ги вклучила услугите и интелектуалните услуги. Истовремено, таа ја поставила основата за формирање на Светската трговска организација.[2]

Наводи уреди

  1. J. Ashok Robin, International Corporate Finance. New York: McGraw-Hill/Irwin, 2011, 350.
  2. J. Ashok Robin, International Corporate Finance. New York: McGraw-Hill/Irwin, 2011, 351.

Литература уреди

  • Игор Јанев, UN and the international financial and economic organizations, Institute of Political Studies, Belgrade, 2004.