Општина Чаир

Општина Чаир — општина во состав на Град Скопје и најмалата општина по површина во Република Македонија.

Општина Чаир
Општина
Знаме Грб
Држава	Македонија
Седиште	Град Скопје
Населени места	Список Гази Баба, Дуќанџик, Стара чаршија, Топанско Поле, Циглана, Чаир
Управа
• Градоначалник	Висар Ганиу
Површина
• Вкупна	3,52 км2 (1,36 ми2)
Население (2021)
• Вкупно	62.586
• Густина	18,000/км2 (46,000/ми2)
Часовен појас	CET (UTC+01:00)
• Лете (ЛСВ)	CEST (UTC+02:00)
Повикувачки број	+02
Регистарски таблички	SK
Мреж. место	cair.gov.mk

Демографија

Вкупниот број на население во рамките на Општина Чаир според пописот во 2002 година е 64.773 жители, или 3,2% од целокупниот број на жители на Република Македонија. Имајќи предвид дека територијата на општината е 3,52 км², произлегува дека густината на населеност е 18.400 жители на еден квадратен километар, густина која можеби е најголема во Европа.

Според пописот од 2002 година, во Општина Чаир живеат следниве етникуми:

• Албанци = 36.921 (57,0 %)
• Македонци = 15.628 (24,1 %)
• Турци = 4.500 (6,9 %)
• Роми = 3.083 (4,8 %)
• Бошњаци = 2.950 (4,6 %)
• други = 1.691 (2,6 %)

Самоуправа и политика

Во 2017 година, општината имала вкупно 926 вработени, од кои 88 биле вработени во општинската администрација, а останатите во општинските јавни претпријатија. Градоначалник на општина Чаир е Висар Ганиу од редовите на ДУИ. Тој бил избран на локалните избори од 2017 година за мандат од четири години. Советот на општина Чаир е составен од 27 члена. Според последните локални избори од 2017 година, членовите на советот според политичката припадност за мандатот 2017-2021 се:

  ДУИ: 9 места

  БЕСА: 8 места

  СДСМ: 4 места

  ВМРО-ДПМНЕ: 4 места

  АА: 2 места

Галерија

• 
  Стар грб на Општина Чаир, сменет во 2010 г.
• 
  Старо знаме на Општина Чаир, сменето во 2010 г.

Фуснота

^ * Во помал дел ѝ припаѓа на Општина Центар

Надворешни врски

• Портал на Општина Чаир
• Општина Чаир во „АБВ - деловен именик“ Архивирано на 6 март 2016 г.