Општина Пласница
Општина Пласница — општина во Западна Македонија. Центар на општината е селото Пласница. Во состав на општината се четири населени места кои се сместени во горниот тек на реката Треска: Пласница, Преглово, Лисичани и Дворци.
| Општина Пласница | |||
|---|---|---|---|
| Општина | |||
 Зградата на Општина Пласница | |||
| |||
 | |||
| Држава | Македонија | ||
| Седиште | Пласница | ||
| Населени места | |||
| Управа | |||
| • Градоначалник | Алија Јахоски | ||
| Површина | |||
| • Вкупна | 54,44 км2 (21,02 ми2) | ||
| Население (2021)[1] | |||
| • Вкупно | 4.222 | ||
| • Густина | 78/км2 (200/ми2) | ||
| Часовен појас | CET (UTC+01:00) | ||
| • Лете (ЛСВ) | CEST (UTC+02:00) | ||
| Повикувачки број | +045 | ||
| Регистарски таблички | MB | ||
| Мреж. место | plasnica.gov.mk | ||
Географија уреди
Општина Пласница се наоѓа во средишниот дел на Западна Македонија и се протега на северните и североисточните падини на Бушева Планина и планината Сач. Територијата на општина Пласница има површина од 54,30 км2. Општината се граничи на североисток со општина Македонски Брод, на југоисток со општината Крушево и селото Сопотница и на запад со општина Вранештица.
Територијата на општина Пласница се наоѓа под влијание на умерено-континентална клима, која се одликува со ладни и врнежливи зими и суви и топли лета. На високите планини е изразена планинска клима со кратки и ладни лета и долги и снежни зими.
Најтопол месец со средна месечна температура е јули со 20,0 °C. Најстудени месеци се јануари со просечна месечна температура од 0,6 °C и декември со просечна месечна температура од 2,1 °C. Екстремните температури се движат од 38,9 °C во август до минус 25,9 °C во февруари. Годишниот период на сончеви часа изнесува 2263 часа или 6,2 часа дневно.
Историја уреди
Општина Пласница во овие администратитвни граници е од 1996 година според новата теритиријална поделба на Република Македонија, со поделба на општина Македонски Брод, кога се формирани уште две нови општини: Самоков и општина Пласница.
Демографија уреди
Според пописот од 2002 година во општина Пласница живеат 4.545 жители во 1.125 домаќинства и 1.225 станови. Густината на населеност во оваа општина е 84,2 жит./км2. Според националната припадност во општината живеат 4.446 Турци, 34 Македонци, 20 Албанци и 45 жители кои се изјасниле како припадници на други заедници.[2]
| Народ | Вкупно | Удел (%) |
|---|---|---|
| Македонци | 34 | 0,75 |
| Албанци | 20 | 0,44 |
| Турци | 4.446 | 97,82 |
| Роми | 0 | 0,0 |
| Власи | 0 | 0,00 |
| Срби | 0 | 0,0 |
| Бошњаци | 0 | 0,00 |
| останати | 45 | 0,99 |
| Вероисповед | Вкупно |
| православни | 34 |
| муслимани | 4.465 |
| католици | 0 |
| протестанти | 0 |
| останати | 46 |
| Јазик | Вкупно |
| македонски | 63 |
| албански | 22 |
| турски | 4.415 |
| ромски | 0 |
| влашки | 0 |
| српски | 0 |
| бошњачки | 0 |
| останати | 45 |
Гледна точка на месното население уреди
Месното население тврди дека се етнички Турци кои зборуваат на македонски јазик.
Општо гледиште уреди
Според останатите гледишта, целото население по етничка припадност всушност се Македонци, поточно Македонци-муслимани, кои се изјасниле како Турци поради политичко-религиски причини. Податоци за ова се наоѓаат во македонски, бугарски, српски и останати светски извори.
Образование уреди
Во општината постојат 2 основни училишта и тоа:
Инфраструктура уреди
Патна мрежа уреди
Низ територијата на општина Пласница поминува регионалниот пат P-513, Скопје-Кичево-Македонски Брод-Прилеп, и е единствен пат од повисока категорија. Патната мрежа во општината ја формираат и 20 локални патишта кои ги поврзуваат населените места во општината. Локалните патишта не се сите асфалтирани, дел од нив, низ населените места, се со набиен шлунак-макадам. Основна одлика на оваа секундарна мрежа е тоа што таа е со непостојан профил, со променлива широчина и без оформени тротоари, како и неповолниот меѓусебен однос на сообраќајниците. Заради овие причини, треба да се стави акцент на нова сообраќајна концепција со што ќе се придонесе кон максимално сообраќајно поврзување на сите објекти во населените места во општината.
Водовод и канализација уреди
Како главен извор за снабдување со вода на населението, индустријата и за комуналните потреби на населените места во општината се користат водите од регионалниот водовод „Студенчица“. Процентот на домаќинства кои живеат во станови со приклучок на јавен водовод (во однос на вкупниот број на домаќинства) изнесува 97,5%.
Водоснабдувањето во општината се врши од еден тип на водоводен систем и тоа: излезна шахта од главниот водовод на Ј. П. Студенчица (Кичево – Прилеп), потисен цевковод и четири резервоари, а потоа преку секундарната мрежа по гравитациски пат водата се дистрибуира до самото население. За разновидната секундарна мрежа се користени ПЕТ профили, со пречник од Ф 63 до Ф 160.
Документацијата покажува дека водоводот е реализиран 100%, но на теренот населението се соочува со проблеми со водоснабдувањето.
Процентот на домаќинства кои живеат во станови со приклучок на јавна канализација (во однос на вкупниот број на домаќинства) изнесува 2,6%.
Политика и администрација уреди
Градоначалник на општина Пласница е Исмаил Јахоски од редовите на ДУИ. Тој бил избран на локалните избори од 2017 година за петти мандат од четири години.[3] Јахоски претходно победувал на локалните избори во 1996, 2000, 2009 и 2013. Советот на општина Пласница е составен од 9 члена. Според последните локални избори од 2017 година, членовите на советот според политичката припадност за мандатот 2017-2021 се:
Здравство уреди
Во населеното место Преглово функционира здравствена станица, која е под Здравствениот Дом Македонски Брод. Здравствената станица во село Преглово функционира од 1965 година кога имало вработено еден доктор, една сестра и еден санитар.
Но поради зголемувањето на бројот на населението и на потребите на граѓаните се изгради нов монтажен објект во 1985 година, во кој функционира здравствена амбуланта, една стоматолошка ординација, една аптека и една лабораторија.
Според бројот на населението и населените места, бројот на вработените и услугите кои ги дава амбулантата не е соодветен на потребите на граѓаните од овие населени места. Вредно е да се напомене дека амбулантите работаат и во попладневна смена.
Во амбулантата се сместени стоматолошката ординација Дентал и аптеката Кристи-фарм.
Во населеното место Лисичани функционира здравствена станица која е под Здравствениот Дом Кичево, работи во една смена со еден доктор и една медицинска сестра.
Наводи уреди
- ↑ „Попис на населението, домаќинствата и становите во Република Северна Македонија, 2021 - прв сет на податоци“. Државен завод за статистика на Македонија. Посетено на 30 март 2022.
- ↑ „Население во Република Македонија на 31.12 по специфични возрасни групи, по пол, по општини, по години“. Државен завод за статистика на Република Македонија. Посетено на 2 мај 2018.[мртва врска]
- ↑ „Мандати за градоначалници и совет во РМ – Локални избори 2017“. Државна изборна комисија на Македонија. Посетено на 18 октомври 2017.
Надворешни врски уреди
- Општина Пласница во „АБВ - деловен именик“ Архивирано на 6 март 2016 г.
- Портал на Општина Пласница Архивирано на 1 мај 2018 г.
- Општина Пласница — страница на Министертвото за локална самоуправа Архивирано на 30 септември 2007 г.
- Општинска база на податоци на Министерството за локална самоуправа - Пласница[мртва врска]