Норден (Источна Фризија)

**Норден**
	Норден Norden ;
	Градската црква „Лудгери“ во НорденГрадската црква „Лудгери“ во Норден
	Норден
	Управа
Земја	Германија
Покраина	Долна Саксонија
Округ	Аурих
Градски единици	10
Градоначалник	Флоријан Ајбен (СДП)
	Основни податоци
Површина	106,33 км2
Надм. височина	7 м
Население	24.767 (31 декември 2020)
- Густина	233 жит/км2
	Други информации
Часовен појас	CET/CEST (UTC+1/+2)
Рег. табл.	AUR, NOR
Пошт. бр.	26506, 26492–26496, 26501, 26519–26520
Повик. бр.	04931
Портал	www.norden.de
Местоположба на градот Норден во рамките на округот Аурих
	Карта
Координати	53°35′48″N 7°12′20″E / 53.59667° СГШ; 7.20556° ИГД

За други истоимени места, погледајте Норден.

Норден (германски: Norden; источнофризиски долносаксонски: Nörden) — град во округот Аурих, во сојузната покраина Долна Саксонија, Германија. Се наоѓа на брегот на Северното Море, во областа Источна Фризија.

Географија уреди

Местоположба уреди

Градот Норден, најсеверозападниот град на германското копно, зафаќа површина од 104,39 квадратни километри во северозападниот дел на Источна Фризија во Долна Саксонија. Најголемото растојание север-југ е 21 километар, додека исток-запад изнесува околу 13 километри. Највисока точка во Норден е 9,5 метри.

Пред брегот се наоѓаат островите (од исток кон запад) Нордернај, Јист и Мемерт. Помеѓу брегот и островите се наоѓа Ваденското Море, кое како дел од националниот парк „Долносаксонско Ваденско Море“ од јуни 2009 година е прогласен за светско природно наследство на УНЕСКО.^[2] Југозападно од градот се наоѓа Лајскиот Залив.

Соседни општини на копното се (од исток кон југозапад, надесно) Хагермарш, Литетсбург и Халбемонд (сите во општинската заедница Хаге), Лецдорф и Остел (обете во општинската заедница Брокмерланд), како и општината Крумхерн. Интересно е дека границата со општината Лецдорф е во должина на една улица.

Градски единици уреди

Норден се состои од градското јадро и десет официјални градски единици. Градското јадро се наоѓа околу стариот градски центар на поранешната општина Зандбауершафт со градските единици Екел, Линтел и Вестгасте.

Други единици се Баргебург, Лајбухтполдер, Нојвестел, Норддајх, Остермарш, Зидернојланд I, Зидернојланд II, Тидофелд, Вестермарш I и Вестермарш II.

Клима уреди

Климата во градот е под директно влијание на Северното Море. Лете дневните температури се пониски, додека зиме често се повисоки отколку внатре во копното.