Морфеј
Морфеј (грчки: Μορφεύς „облик“) во старогрчката митологија е бог кој го менува обликот, преобразува. Тој е син на Хипнос (сонот) и Никта (ноќта).
Потекло на поимот уреди
Името Морфеј е изведено од зборот: грчки: μορφή (морфи) со значење „облик“. Затоа е тој, „оној што го менува обликот“.
Особености уреди
Морфеј праќа човечки слики во соновите и визиите, одговорен е за обликувањето на соништата или суштествата кои се во соништата. Тој им се јавува на луѓето во сон, каде што може да се преобрази во било кој човек. Морфеј го има својот лик само додека се одмара. Во антиката е претставуван како млад човек со крилја на слепоочниците, редовно во друштво со своите браќа.
Митологија уреди
Морфеј, како обликувач на соништата има двајца браќа: Фобетор, кој создава страшни соништа и Фантас, кој создава нереални соништа. На Морфеј му се припишуваат и посебни одговорности поврзани со соништата на кралевите и митолошките јунаци. Иако тројцата браќа заедно владеат со царството на соништата, поради поголемите одговорности, Морфеј се смета за главен меѓу нив. Според Овидиј, Морфеј е одговорен за создавање човечки ликови во соништата, а неговите браќа, Фобетор и Фантас, се одговорни за појавувањето на животните и предеметите.[1]
Богот што го успал и самиот Зевс, веројатно е Морфеј, како што спомнува Хомер.[2]
Наводи уреди
Надворешни врски уреди
| „Морфеј“ на Ризницата ? |