Мирко Вучиниќ

Мирко Вучиниќ (црногорски: Mиpкo Bучинић; роден на 1 октомври 1983 година) — црногорски поранешен фудбалер.

Мирко Вучиниќ
Лични податоци
Роден на	1 октомври 1983(1983-10-01)
Роден во	Никшиќ, СФРЈ
Држава	Југославија Србија и Црна Гора (2003-2006) Црна Гора (од 2006)
Висина	&100000000000001860000001,86 м
Играчки податоци
Позиција	напаѓач
Повлекување	1 јули 2017
Младинска кариера
	Лече
Кариера*
Години	Клуб	Наст.†	(Гол.)†
1999-2000	Сутјеска	9	(4)
2000-2006	Лече	111	(34)
2006-2011	Рома	147	(46)
2011-2014	Јувентус	75	(21)
2014-2017	Ал Џазира	29	(27)
Репрезентација ‡
2003-2007	СЦГ	3	(0)
2007-2017	Црна Гора	45	(17)
Сениорските учества и голови се сметаат само за домашни натпревари податоците се од 21 септември 2011. † Учества (Голови). ‡ Учествата и головите за репрезентација се според податок од 6 септември 2011

Технички одлики

Вучиниќ првично играл како централен напаѓач, но подоцна почна да игра и како лево крило. Тој е познат по својот дриблинг, и способноста да со серија добри дриблинзи да влезе од крилото внатре кон средината.

Кариера

По потекло од градот Никшиќ, Вучиниќ играше за локалниот тим Сутјеска за време на неговите рани тинејџерски години. Тој брзо го привлече вниманието на Панталео Корвино, спортскиот директор на италијанскиот фудбалски клуб Лече и направи трансфер во Лече во летото 2000 година. Помеѓу 2000 и 2006 година, Мирко играше за Лече кој постојано се селеше меѓу Серија А и Б. Неговата најимпресивна сезона дотогаш во кариерата дојде во сезоната 2004-05, кога тој на возраст од 21-година постигна 19 гола во 28 настапи, додека Лече играше во Серија А.

По испаѓањето на Лече од лигата, Вучиниќ дојде во Рома на едногодишна позајмица со право на откуп на 50% од неговиот договор на 30 август 2006 година. Иако во првата негова сезона во главниот град на Италија постигна само 2 гола, сепак успеал да ги задоволи вкусовите на челниците на клубот првенствено поради својата одлична техника. Дури во јуни 2008 римската волчица го откупи неговиот целосен договор (претходно поседуваше половина од првата врз Вучинич) за вкупна сума од 12 милиони €. За време на неговиот престој во Рома одигра речиси 150 натпревари во Серија А и постигна 46 голови со што беше најдобриот напаѓач во овој период во историјата на клубот. Вучиниќ освои два купа и еден Суперкуп на Италија со Рома, но неуспеа да се закити со скудето иако Рома беше на неколкупати блиску до него (беше второпласирана). Во летото 2011 година Вучиниќ потпиша за најтрофејниот италијански тим Јувентус за сума од 15 милиони €. Тој постигна 8 погодоци за време на неговата прва сезона со нив и помогна во освојувањето на Скудетото накрајот од сезоната што беше негово прво во кариерата.

На репрезентативна сцена, Вучиниќ играше за две фудбалски репрезентации за Србија и Црна Гора и за подоцна осамостоената репрезентација на Црна Гора на која е капитен и клучен играч.

Поради повреда, тој не беше во можност да ја претставува репрезентацијата на Србија и Црна Гора на Светско првенство во 2006. По црногорскиот референдум за независност во 2006 година, Вучиниќ избра да ја претставува Црна Гора. Тој учествуваше со Црна Гора во квалификациите за светското првенство 2010, каде што тој постигна два гола. Вучиниќ, исто така, постигна два гола за Црна Гора и во нивните квалификации за пласман на УЕФА Евро 2012, но Црна Гора испадна во баражите.

Статистика на кариерата

Сезони	Тим	Лига	Домашни натпреварувања		Домашни купови		Европски натпревари		Вкупно
			Меч	Голови	Меч	Голови	Меч	Голови	Меч	Голови
1999–00	Сутјеска Никшиќ	Yugoslavia League	9	4	0	0	0	0	9	4
2001–02	Лече	Серија А	2	0	0	0	0	0	2	0
2001–02	Лече	Серија А	7	0	2	0	0	0	9	0
2002–03	Лече	Серија Б	28	5	1	0	0	0	29	5
2003–04	Лече	Серија А	12	1	1	0	0	0	13	1
2004–05	Лече	Серија А	28	19	3	3	0	0	31	22
2005–06	Лече	Серија А	34	9	0	0	0	0	34	9
Вкупно			111	34	7	3	0	0	118	37
2006–07	Рома	Серија А	25	2	2	0	6	1	33	3
2007–08	Рома	серија А	33	9	7	1	8	4	48	14
2008–09	Рома	Серија А	27	11	3	3	8	3	38	17
2009–10	Рома	Серија А	34	14	4	2	8	3	46	19
2010–11	Рома	Серија А	28	10	5	1	4	0	37	11
Вкупно			147	46	21	7	34	11	202	64
2011–12	Јувентус	Серија А	30	8	2	1	0	0	32	9
Вкупно			30	8	2	1	0	0	32	9
Вкупно во кариерата			297	92	27	10	34	11	361	114

(од 29 април 2012)

Титули

Рома

• Куп на Италија (2) : 2007 и 2008

Суперкуп на Италија : 2007

Јувентус

• Серија А (3) : 2011-12, 2012-13, 2013-14

Суперкуп на Италија (2) : 2012, 2013

Надворешни врски

• Profile on AS Roma website Архивирано на 6 октомври 2008 г.
• Mirko Vučinić career and stats at soccerway.com
• World Cup 2006 Official Site – Upcoming Talents to Watch For Архивирано на 11 март 2007 г.
• UEFA U-21 Championship – Serbo-Montenegrin coach Okuka missing key players
• Mirko Vučinić profile, career timeline and detailed statistics