Википедија

Менталист

Менталист е американска драмска телевизиска серија која траела од 23.09.2008 година, до 18 февруари 2015 година, емитувајќи 151 епизода во текот на седум сезони, на Си-Би-Ес.[1] Создадено од Бруно Хелер, кој бил и нејзин извршен продуцент, шоуто го следи поранешниот „јасновидец“ Патрик Џејн (Сајмон Бејкер), кој е консултант на Калифорниското биро за истраги (КБИ) и неговиот шеф, постар агент, Тереза Лизбон (Робин Туни), користејќи ги високо развиените вештини за набудување што претходно ги користел за да ги „чита“ умовите на луѓето.

Менталист
Жанрполициска процедурална, мистерија, драма
Создадена одБруно Хелер
УлогиСајмон Бејкер
Робин Туни
Тим Канг
Овејн Јеоман
Аманда Ригети
Рокмонг Данбар
Емили Свалоу
Џо Адлер
Џоси Лорен
Тематски композиторБлејк Нили
Земја на потекло САД
Првичен јазиканглиски
Бр. на сезони7
Бр. на епизоди151
Производство
МестоположбаКалифорнија
Времетраење40-50 минути
Прикажување
Првична мрежаСи-Би-Ес
Првично прикажување23 септември 2008 – 18 февруари 2015
Мрежна страницаcbs.com/primetime/the mentalist/

Постои руско-украински римејк „Менталист" во 2018 година под истиот наслов снимен на руски јазик.

Синопсис уреди

Серијата го следи Патрик Џејн, независен консултант на Калифорниското биро за истраги (КБИ) со седиште во Сакраменто, Калифорнија. Иако не е офицер на законот, тој ги користи своите вештини од неговата поранешна кариера како успешен, но сепак несомнено измамник, јасновидец, за да му помогне на тимот агенти на КБИ за решавање убиства. Вистинската причина за вмешаноста на Џејн во спроведувањето на законот е пронаоѓање на серискиот убиец познат како Ред Џон, кој бил одговорен за бруталното убиство на неговата сопруга, Анџела Раскин Џејн и неговата ќерка Шарлот Ана Џејн.

Пред убиствата, Џејн имал профитабилна кариера како измамник, успешно се претставувал како видовит медиум и уживал статус на славна личност. Пет години пред настаните во пилот епизодата на шоуто, тој се појавил на телевизија да тврди дека неговите паранормални способности и помогнале на полицијата да профилира сериски убиец по име Ред Џон. Ред Џон, лут од омалажувањето, ги убива сопругата на Џејн и неговата ќерка како одмазда.

Џејн последователно ја напушта својата кариера и се здружува со КБИ, користејќи ги своите вештини да им помогне во решавањето на разни злосторства. Неговиот главен фокус е ставен на случаите во кои се вклучени Ред Џон или неговите имитатори. Тој признава дека ги лажирал натприродните аспекти на неговите вештини, честопати тврдејќи дека „нема такво нешто како видовит“, но сепак тој има фино изострени вештини за читање на личности, хипноза и крадење, како и за неговите интуитивни набљудувања и неизмерен увид во човечката психа и однесувањето на сведоците.

Неговите соработници на КБИ се колегите Вејн Ригсби, Грејс Ван Пелт, Кимбал Чо и нивната шефица Тереза Лисабон. Различни режисери и цивили кои се повторуваат се среќаваат додека се снимало шоуто, вклучувајќи ги: Брет Стајлс, Гејл Бертрам, Кристина Фрај, Медлин Хајтауер, Џеј Џеј Ларош и Валтер Машбурн.

Како што напредувало шоуто, фокусот се префрлил од општите случаи во сезоните една до три, само за фаќање на Ред Џон, во текот на сезоните четири до шест. На средината на шестата сезона, случајот Ред Џон е решен, ФБИ се вмешува во затворање на КБИ, а шоуто усвојува нов правец во следните две сезони, заедно со неколку нови ликови. Шоуто сè уште се фокусира на решавање на случаи, заедно со емотивни епизоди.

Продукција уреди

Откако го развил за ХБО, Хелер бил заинтересиран да направи нешто поразлично и сакал да се докаже. Си-Би-Ес барал емисија што ќе работи како придружник на НЦИС, а Хелер го поздравил предизвикот за развој на популарна емисија во рамките на ограничувањата на мрежната телевизија во главниот термин и го прилагодил својот концепт да одговара.[2] Хелер го опишува ликот како комбинација од тип Шерлок Холмс и уличен јасновидец, делот детектив им помага на луѓето, а делот измамник им продава лаги на луѓето. Сакајќи ликот да има и физичка и духовна елеганција, Хелер замислил некој како Кери Грант за улогата.[3]

Шоуто често поставувало епизоди засновани врз измислени локации со имиња како Селинџер Мил и Ранчо Роса. Како и поголемиот дел од американските телевизиски емисии, „Менталист“ главно се снимал во зоната на студиото во округот Лос Анџелес, но повремено снимал неколку сцени на локација во Сакраменто. Структурата користена за претставување на седиштето на КБИ во Сакраменто е задниот дел на Пико-куќата во центарот на Лос Анџелес. На 15 октомври 2008 година, Си-Би-Ес ја нарачал првата сезона на „Менталист“ [4] и шоуто последователно се обновувало на годишно ниво од 2010 година, како на домашниот пазар, така и во странство.[5]

Во ноември 2013 година, за Аманда Ригети (Ван Пелт) и Овеин Јеоман (Ригсби) било потврдено дека ќе заминат по завршувањето на шестата сезона.[6]

На 10 мај 2014 година, Си-Би-Ес ја обнови [7][8] серијата за седмата сезона со 13 епизоди, чија премиера била на 30 ноември 2014 година, а подоцна ја објавиле како последна [9]

Во седмата сезона, за епизодата „Сладолед од цвет од портокал“, сцените сместени во Бејрут биле снимени во Лос Анџелес и дополнети со хонорарни снимки од Бејрут од Мајкл Тимни.[10]

Дистрибуција уреди

ТНТ започнале да ја прикажуваат „Менталист“ есента 2011 година.[11] Во периодот помеѓу крајот на Лате Шоу со Дејвид Летерман и Лејт Шоу со Стивен Колберт летото 2015 година, Менталист била емитувана во приквечерните часови на Си-Би-Ес, како дел од привремената постава на доцно-вечерните прикажувања. Шоуто се емитувало и на телевизиската мрежа Си-Ти-Ви во Канада.

 
Главниот глумец Сајмон Бејкер во 2013 година

Награди и номинации уреди

 
Директорот на Центарот за истражување West & IIG West, Џејмс Андердаун му доделува награда на уредникот Џим Гад на 21.08.2010 г.
  • 2009 година: 25-ти ТЦА награди за „Извонредно ново шоу“
  • 2009 година: People's Choice Award за „Омилена нова ТВ драма“ [12]
  • 2009 година: Сајмон Бејкер добил номинација за наградата „Еми“ за главен глумец - драмска серија [13]
  • 2009 година: номинација за Меѓународни телевизиски награди „Трилер“, церемонија на доделување награди претставена од Британското здружение на писатели на крими приказни [14]
  • 2010 година: Симон Бејкер добил номинација за наградата „Златен глобус“ за најдобра глумец - Драмска телевизиска серија
  • 2010 година: Симон Бејкер добил номинација за Награда за глумци на сцената за извонредна изведба на машки глумец во драмска серија [15]
  • 2010 година: награда за нејзината научна и критичка содржина на размислување, од ИИГ за време на галата на 10-годишнината, прифатена од уредникот Џим Гад [16]
  • 2013 година: Награди „Златна нимфа“ на 53-ти ТВ фестивал во Монте-Карло за награда на меѓународна телевизиска награда од публика - најдобра драмска ТВ-серија [17]
  • 2014 година: номинација за Награда на People's Choice Award за омилена ТВ криминална драма [18]
  • 2015 година: номинација за Награда People's Choice Award за омилена ТВ криминална драма
  • 2015 година: Саjмон Бејкер добил номинација за People's Choice Award за омилен ТВ-актер во крими-драмско шоу
  • 2015 година: Робин Туни доби номинација за People's Choice Award за омилена ТВ-глумица во крими-драмско шоу

Наводи уреди

  1. ↑ Michael Schneider, "CBS sets premieres after debates", Variety, June 26, 2008
  2. ↑ Bernhard, Lisa (28 November 2008). „'The Mentalist' on CBS Is a Hit, but What's Its Future?“. The New York Times.
  3. ↑ „Q&A;: 'The Mentalist' creator Bruno Heller --The Live Feed“. The Hollywood Reporter. November 26, 2008. Архивирано од изворникот на 2008-12-05.
  4. ↑ „Breaking News – Cbs Gives A Full Season Order To "The Mentalist"“. thefutoncritic.com. 29 June 2010. Посетено на 2010-07-06.
  5. ↑ „Fall TV: CBS Announces Premiere Dates“. TVGuide.com. Архивирано од изворникот на 2009-06-26. Посетено на June 24, 2009.
  6. ↑ Gennis, Sadie (November 23, 2013). „Amanda Righetti Confirms Mentalist Exit“. TVGuide.com. Посетено на December 11, 2017.
  7. ↑ Kondolojy, Amanda (May 10, 2014). „'The Mentalist' Renewed for Seventh Season by CBS“. TV by the Numbers. Архивирано од изворникот на May 12, 2014. Посетено на May 10, 2014.
  8. ↑ Owen, Rob (May 23, 2014). „TV Q&A: 'Criminal Minds,' 'Nashville' and 'The Mentalist'“. Pittsburgh Post-Gazette. Архивирано од изворникот на 2015-07-13. Посетено на May 23, 2014.
  9. ↑ Kondolojy, Amanda (September 27, 2014). „'The Mentalist' Upcoming Season Confirmed to be Last“. TV by the Numbers. Архивирано од изворникот на September 29, 2014. Посетено на September 29, 2014.
  10. ↑ Owen, Rob (December 26, 2014). „Q&A: 'Hannibal,' 'Bates Motel' and Turner Classic Movies“. Pittsburgh Post-Gazette. Архивирано од изворникот на 2015-01-15. Посетено на 2021-02-23.
  11. ↑ McDuffee, Debbie (November 6, 2009). „TNT: The little network with the smart decisions“. CliqueClack TV. Архивирано од изворникот на November 9, 2009. Посетено на November 6, 2009.
  12. ↑ „People's Choice Awards 2009 Nominees“. People's Choice Awards. Посетено на 2011-11-24.
  13. ↑ „61st Primetime Emmy Awards Nominations“ (PDF). Academy of Television Arts & Sciences. Посетено на 2011-11-24.
  14. ↑ Allen, Kate (7 September 2009). „Coben, Cole, Atkinson vie for crime awards“. The Bookseller. Архивирано од изворникот на September 10, 2009. Посетено на 2009-09-07.
  15. ↑ „The 16th Annual Screen Actors Guild Awards“. Screen Actors Guild. Посетено на 2011-11-24.
  16. ↑ „IIG website“. Iigwest.com. August 21, 2010. Посетено на 2011-02-20.
  17. ↑ „'Modern Family,' 'Breaking Bad' Nab Prizes At Monte-Carlo TV Festival“. Deadline. June 13, 2013.
  18. ↑ Oldenburg, Ann (November 5, 2013). „People's Choice Awards 2014 nominations are out“. USA Today.

Надворешни врски уреди

Преземено од „https://mk.wikipedia.org/w/index.php?title=Менталист&oldid=4877205“