Марсови месечини

Марс има два мали сателити, Фобос и Дејмос, за кои се смета дека се заробени астероиди.

Слика во боја од Фобос, добиена од Mars Reconnaissance Orbiter на 23 март 2008

Слика во боја од Дејмос, добиена од Mars Reconnaissance Orbiter на 21 февруари 2009

Двата сателити биле откриени во 1877 г. од Асаф Хол, и наречени според ликовите Фобос (паника/страв) и Дејмос (терор/ужас) кои, во старогрчката митологија, го следеле својот татко Арес, богот на војната, во битките. Арес кај Римјаните бил познат како Марс.

Историја

Откривањето на двата сателити на Марс, Фобос и Дејмос, се случило во 1877 год. кога американскиот астроном Асаф Хол ги идентификувал после долга потрага, иако нивното постоење се шпекулирало и пред тоа.

Рани шпекулации

Можноста за постоење на марсови сателити била шпекулирана уште пред откривањето од Хол. Астрономот Јоханес Кеплер (1571-1630) дури и точно го предвидел нивниот број, иако со погрешна логика: тој напишал дека откако Јупитер имал четири познати сателити и Земјата имала еден, било само природно дека Марс треба да има два.

Име и изговор			Слика	Пречник (km)	Маса (kg)
Mars I	Фобос	/ˈfoʊbəs/ FOE-bəs		22.2 км (27×21.6×18.8)	1.08×1016
Mars II	Дејмос	/ˈdaɪməs/ DYE-məs		12.6 км (10×12×16)	2×1015
Релативна големина и растојание помеѓу Марс, Фобос, и Дејмос, во размер