Марио Гаврановиќ
Марио Гаврановиќ (роден на 24 ноември 1989 година во Лугано) — швајцарски фудбалер, напаѓач на Динамо Загреб и на швајцарската репрезентација.
| Марио Гаврановиќ | |||
|---|---|---|---|
 | |||
| Лични податоци | |||
| Полно име | Марио Гаврановиќ[1] | ||
| Роден на | 24 ноември 1989 | ||
| Роден во | Лугано, Швајцарија | ||
| Држава |
 Швајцарија | ||
| Висина | 1,75 м[2] | ||
| Позиција | напаѓач | ||
| Клупски податоци | |||
| Сегашен клуб |
 Динамо Загреб | ||
| Број | 11 | ||
| Младинска кариера | |||
| Веција | |||
 Лугано | |||
| Кариера* | |||
| Години | Клуб | Наст. | (Гол.) |
| 2006-2008 |
Лугано | 21 | (8) |
| 2008-2010 |
 Ивердон | 20 | (8) |
| 2009-2010 |
→_con_croce.png){kind=small} Ксамакс | 17 | (8) |
| 2010-2011 |
 Шалке 04 II | 5 | (2) |
| 2010-2012 |
Шалке 04 | 10 | (0) |
| 2011-2012 |
→ Мајнц 05 | 5 | (0) |
| 2012-2016 |
_con_bordo_dorato.png){kind=small} Цирих | 90 | (26) |
| 2016-2018 |
 Риека | 59 | (25) |
| 2018- |
Динамо Загреб | 28 | (13) |
| Репрезентација ‡ | |||
| 2005 |
Швајцарија 17 | 1 | (2) |
| 2007-2008 |
Швајцарија 19 | 8 | (6) |
| 2008-2011 |
Швајцарија 21 | 14 | (3) |
| 2011- |
Швајцарија | 16 | (4) |
|
*Настапи и голови само на првенствени натпревари, според податок од 3 јули 2012 ‡ Настапи и голови за репрезентација, според податок од 3 јули 2012 | |||
Животопис уреди
Роден е од родители Босански Хрвати, неговото семејство се преселило од Градачац, Босна и Херцеговина во Лугано, Швајцарија една година пред да се роди Марио.
Клупска кариера уреди
Гаврановиќ ја започнал својата фудбалска кариера во екипата на Веција кога имал само 7 години, пред да стане професионалец во екипата на Лугано во 2006 година. Своето професионално деби го направил во натпреварот од Швајцарската Челенџ лига, Лугано-ЈФ Јувентус 2-2 на 14 октомври 2006, кога имал само 16 години. По две сезони во Лугано решил да ја промени средината и се преселил во екипата на Ивердон во 2008 година. За Ивердон одиграл само една сезона во Челенџ лигата во која на 20 натпревари постигнал 8 гола, а веќе следната сезона бил позајмен на прволигашот Ксамакс. Своето деби во Супер лигата против Белинцона на 12 јули 2009, го означил со првиот погодок во елитната лига на Швајцарија, со кој го спасил својот тим од пораз и ги поставил конечните 1-1. Гаврановиќ бил во одлична форма и постигнал 8 гола на 17 натпревари во првиот дел од сезоната, пред во зимската пауза да го напушти Ксамакс и да му се приклучи на германскиот бундеслигаш, Шалке 04.
На своето деби во Лигата на шампионите на 9 март 2011 против Валенсија, Гаврановиќ го постигнал својот прв гол во ова натпрварување помагајќи му на Шалке да помине во четврт-финалето. Тој одиграл вкупно 12 натпревари за Шалке во сите конкуренции и постигнал 2 гола. Сезоната 2011-12, ја поминал на заем во екипата на Мајнц 05, но таму одиграл само 5 натпревари по што се вратил во Швајцарија во екипата на Цирих.
На 21 април 2014, Гаврановиќ постигнал два гола во екстра времето од финалето на Купот на Швајцарија против Базел, носејќи му ја титулата на својот тим.
На 18 јануари 2016, Гаврановиќ потпишал две и пол годишен договор со хрватската Риека.[3] Тој постигнал гол уште на своето деби за клубот на 12 февруари 2016 против Локомотива Загреб, претворајќи го во погодок за водство од 2-0 центаршутот на Роман Безјак во 25-тата минута од натпреварот кој Риека го добила со истиот резултат.[4]
Во својата втора сезона во клубот, Гаврановиќ и помогнал на Риека да стигне до првата историска шампионска титула во хрватското првенство придонесувајќи со 11 постигнати гола. Тој исто така постигнал и 7 гола во 5 натпревари во Купот на Хрватска, вклучувајќи ги и двата во финалето против Динамо Загреб, во кое Риека победила со 3-1 и ја освоила двојната круна придодавајќи ја на освоениот наслов во првенството и титулата во купот. Вкупно во две години во Риека, Гаврановиќ постигнал 40 голови во 80 натпревари.
Во јануари 2018, Гаврановиќ потпишал три годишен договор со Динамо Загреб во договор за размена на играчи во кој биле вклучени и Домагој Павичиќ и Лука Цапан кој заминале во Риека.
Репрезентативна кариера уреди
Гаврановиќ го направил своето деби во сениорската репрезентација на Швајцарија во ремито 0-0 против Бугарија во квалификациите за Евро 2012. Швајцарија Својот прв гол за репрезентацијата го постигнал во победата со 4-2 во пријателски натпревар против Хрватска на 15 август 2012 година, кога бил двоен стрелец.[5]
Титули уреди
Шалке 04
уреди
Куп на Германија (1) : 2010-2011
Суперкуп на Германија (1) : 2011
Цирих
уреди
Куп на Швајцарија (1) : 2013-2014
Риека
уреди
- Прва ХНЛ (1) : 2016-2017
- Куп на Хрватска (1) : 2016-2017
Динамо Загреб
уреди
- Прва ХНЛ (1) : 2017-2018
- Куп на Хрватска (1) : 2017-2018
Хет-трик уреди
Гаврановиќ досега во својата кариера има постигнато еден хет-трик. Тој бил на 16 септември 2012 во дресот на Цирих против нисколигашот Ешален во Купот на Швајцарија.
| 16 септември 2012 Куп на Швајцарија | Ешален | 0 – 6 | Цирих | Спортиф центар, Ешален |
|---|---|---|---|---|
| 15:00 ЦЕВ |
Извештај | Кјумиенто  5'Гаврановиќ 6', 51', 89'Дрмиќ 43', 90'
|
Судија: Николас Јанчевски |
Наводи уреди
- ↑ „2014 FIFA World Cup Brazil: List of Players“ (PDF). FIFA. 11 June 2014. стр. 30. Архивирано од изворникот (PDF) на 2020-02-01. Посетено на 25 June 2014.
- ↑ „Mario Gavranovic“ (германски). schalke04.de. Архивирано од изворникот на 2011-06-11. Посетено на 2 July 2011.
- ↑ „Gavranović se pridružio momčadi u Dubaiju“ (хрватски). Radio Rijeka. 18 January 2016. Архивирано од изворникот на 2017-12-22. Посетено на 19 January 2016.
- ↑ „Pobjeda za otvaranje sezone lova na naslov prvaka“ (хрватски). HoćuRi.com. 12 February 2016. Посетено на 13 February 2016.
- ↑ „'Nikad ne bih mogao slaviti golove protiv Hrvatske, osjećam se Hrvatom koliko i Švicarcem'“ (хрватски). jutarnji.hr. 16 August 2012. Архивирано од изворникот на 2014-03-14. Посетено на 2 November 2012.