Константа (математика)

Во математиката, константа или постојана е непроменлива величина (вредност) која е потполно постојана или постојана во однос на контекстот. Спротивен поим е „променлива“, која е величина што се менува.

Кај полиномите, функцијата од втор степен обично се означува како

$ax^{2}+bx+c,\$

каде a, b и c се константи (или параметри), додека x е променлива - пополнувач за аргументот на функцијата што се разгледува. Поизложен начин на запишување на функцијата е:

$x\mapsto ax^{2}+bx+c,$

што ја истакнува аргументалната улога на x, а оттука следува дека a, b и c се константи. Во овој пример константите се всушност коефициенти на полиномот, а бидејќи c се јавува во член што не го содржи x, се нарекува постојан (константен) член на полиномот и може дас е претстави како коефициент на x⁰.

Контекстна зависност

Константата како поим е контекстно зависна, што може да се види од следнава анализа:

${\frac {d}{dx}}2^{x}=\lim _{h\to 0}{\frac {2^{x+h}-2^{x}}{h}}=\lim _{h\to 0}2^{x}{\frac {2^{h}-1}{h}}$

${\color {white}{\frac {d}{dx}}2^{x}}=2^{x}\lim _{h\to 0}{\frac {2^{h}-1}{h}}$ бидејќи x е константа (т.е. не зависи од h)

${\color {white}{\frac {d}{dx}}2^{x}}=2^{x}\cdot {\text{KOHCTAHTA,}}$ каде „константа“ значи „не зависи од x“.

Значи некоја вреднсот е константа кога не зависи од друга променлива вредност и не се менува заедно со неа. Во првиот наведен случај, ова значи дека вредноста не зависи од h, а во вториот дека не зависи од x.

Поврзано

• Променлива
• Израз
• Математичка константа
• Физичка константа
• Константа
• Коефициент