Камбатски Залив
Камбатски Залив, исто така познат и како Камбајски Залив — залив на арапскоморскиот брег на Индија кој се граничи со државата Гуџарат. Долг околу 200 километри, широк околу 20 на север и 70 километри на југ. Големите реки кои го одводнуваат Гуџарат во заливот се Нармада, Тапти, Махи и Сабармати кои образуваат устија во заливот.
Тој го дели полуостровот Катиавар од југоисточниот дел на Гуџарат.
Постојат планови да се изгради брана од 30 километри, проектот Калпасар, преку заливот.
Див свет уреди
На запад од заливот, азиски лавови го населуваат Националниот парк Гирска Шума и неговата околина, регионот Катијавар или Саураштра. На исток од Заливот, шумата Данг и резерватот Шулпаншевар, каде што Гуџарат се сретнува со Махараштра и Мадја Прадеш, биле домаќини на бенгалските тигри.