Дунавска школа

Дунавска школа или Дунавски стил (германски: Donauschule или Donaustil) — сликарски правец во првата третина на XVI век застапен во Баварија и Австрија, претежно по долината на Дунав. Воедно биле иновативни графичари, обично во бакрорез. Уметниците од оваа школа се меѓу првите што практикувале чисто пределно сликарство. Фигурите им се претставени мошне експресивно, ако не и експресионистички, под влијание на Матијас Гриневалд.

Дунавски предел кај Регенсбург од Албрехт Алтдорфер, ~ 1522 г.

Делата практично немаат влијанија од италијанското сликарство и кај нив видливо отсуствува фината обработка на северната ренесанса, заменувајќи ја со потезен стил кој бил доста пред своето време.

Најистакнати членови на Дунавската школа биле:

• Албрехт Алтдорфер
• Јерг Број Постариот
• Риланд Фриауф Помладиот
• Августин Хиршфогел (цртач, графичар)
• Волф Хубер

Големо влијание врз нив имал и Лука Кранах Постариот, кој понекогаш се вбројува како член на оваа школа.

Поврзано

• Раноренесансно сликарство

Библиографија

• Stange, Alfred. Malerei der Donauschule. Munich: Bruckmann, 1971.
• Stadlober, Margit. Der Wald in der Malerei und der Graphik des Donaustils. Vienna: Böhlau, 2006.

Надворешни врски

• Дунавски стил — Баварска историска енциклопедија (германски)