Гарска пастрмка
| Гарска пастрмка | |
|---|---|
| |
| Научна класификација | |
| Царство: | Животни |
| Колено: | Хордови |
| Класа: | Зракоперки |
| Ред: | Лососовидни |
| Семејство: | Лососи |
| Род: | Пастрмки |
| Вид: | Гарска пастрмка |
| Научен назив | |
| Salmo obtusirostris (Heckel, 1851) | |
| Подвидови | |
| |
Гарска пастрмка (науч. Salmothymus obtusirostris) — вид на риба од фамилијата лососи (Salmonidae). Живее во Босна и Херцеговина, Хрватска, Србија и Црна Гора, како и Македонија. Нејзиното природно живеалиште се реките.
Во Македонија живее во Радика и нејзината притока Гарска Река, како и во притоки на Охридското Езеро. Уште ја има и во притоки на Скадарското Езеро. Главата е мала, а телото прилично широко. Забите се слабо развиени. Горната вилица допира сè до под долниот очен раб. Лушпите се ситни, но се нешто поситни од кај радичката пастрмка, а се помали отколку кај мекоусната пастрмка. Слична е на мавровската пастрмка, од кој се разликува по збиеното тело и нешто подолгата глава, како и окото, кое е релативно поголемо. Најсигурна одлика за разликување од мавровската пастрмка е значително поголемата ширина на задниот дел на горната вилица кај гарската пастрмка. Разлики постојат и во бојата на телото и пигментацијата; кај гарската пастрмка црните флеки се поситни и се групирани во предниот дел на телото а ројот на пилорични израстоци изнесува просечно 46,5.
Позната грабливка, пред сè лови ноќе. Се храни со земни и летечки инсекти. Просечна големина е до 30 cm и маса до 0,400 кг, иако ретко, одделни примероци израснуваат до 45 cm и маса до 1 кг.
Наводи уреди
- ↑ „Salmo obtusirostris“. IUCN Red List. Version 2006. International Union for Conservation of Nature. 2006. Посетено на 25 септември 2009.
- Crivelli, A.J. 2005. Salmothymus obtusirostris Архивирано на 21 ноември 2008 г.. 2006 IUCN Red List of Threatened Species.