Випала
Випала (ајмарски и кечуански: Wiphala) e знаме или амблем во форма на квадрат кој го користат, и ги претставува, староседелските народи на Андите во денешни Боливија, Перу, Еквадор и делови од Аргентина, Чиле и Колумбија. Денес има неколку верзии на випалата, кои потекнуваат од випалата на Тавантинсују и секоја покраина на Тавантинсују имала своја випала.
Випалата е составена од 49 квадрати во седум разлиучни бои распоредени дијагонално. Распоредот на боите е во зависност од тоа која покраина на Тавантинсују го користела. Така на пример, најдолгата дијагонална централна боја ги претставувала покраините, односно: белата Куласују, жолтата Кунтисују, црвената Чинчајсују и зелената Антисују (иако има и алтернативна верзија за ова знаме). Випалата се користела и од Тупак Катари, а денес и во градот Куско, но тоа знаме е составено од седум хоризонтални ленти наместо квадрати.
Според членот 6 од уставот на Боливија, випалата е исто така официјално знаме на државата покрај старото трибојно.[1][2]
Бои уреди
Випалата е составена од 7 бои - боите на виножитото. Значењето на боите е:
- црвена: земјата и андските луѓе
- портокалова: општеството и културата
- жолта: енергијата
- бела: времето
- зелена: природни извори
- сина: небото
- виолетово: андската влада и самоопределувањето
Випали уреди
Наводи уреди
- ↑ "Bandera indígena boliviana es incluida como símbolo patrio en nueva Constitución", October 21, 2008, United Press International.
- ↑ Republic of Bolivia, [Text of the proposed] Nueva Constitución Política del Estado, 2007.
Поврзано уреди
Надворешни врски уреди
| „Випала“ на Ризницата ? |
- Випала Архивирано на 24 декември 2005 г.
- Emblema Nacional del Pusinsuyo Архивирано на 18 ноември 2012 г.
- Историја на випалата Архивирано на 15 март 2009 г.
- „Гваман Пома “- хроника