Бухорино
Бухорино или Бохорино (грчки: Βουχωρίνα) — село во Населичко, Егејска Македонија, денес во општината Горуша на Кожанскиот округ во областа Западна Македонија, Грција. Населението брои 35 жители (2011).
Бухорино Βουχωρίνα | |
---|---|
Поглед на селото | |
Координати: 40°13′N 21°16′E / 40.217° СГШ; 21.267° ИГДКоординати: 40°13′N 21°16′E / 40.217° СГШ; 21.267° ИГД | |
Земја | Грција |
Област | Западна Македонија |
Округ | Кожански |
Општина | Горуша |
Општ. единица | Цотил |
Надм. вис. | 760 м |
Население (2011)[1] | |
• Вкупно | 35 |
Часовен појас | EET (UTC+2) |
• Лете (ЛСВ) | EEST (UTC+3) |
Географија и местоположба уреди
Селото се наоѓа во областа Населица, 16 км југозападно од гратчето Лапчишта крај патот кој води за Коница и Јанина.[2]
Историја уреди
Во Отоманското Царство уреди
Бухорино уште од постаро време било населено со Грци.[2]
Во XIX век Бухорино било грчко село во Населичката каза на Серфиџенскиот Санџак.
Според податоците на Васил К’нчов („Македонија. Етнографија и статистика“) од 1900, во Бухорино живееле 260 Грци.[3] По податоците на секретарот на Бугарската егзархија Димитар Мишев („La Macédoine et sa Population Chrétienne“) во 1905 г. во Бухорино (Bouhorino) има 275 Грци.[4]
Според статистиката на грчкиот конзулат во Еласона, во 1904 г. во Бухорино живееле 280 Грци христијани.[5]
Во Грција уреди
По Балканските војни во 1913 г. селото е припоена кон Грција согласно Букурешкиот договор. Истата година во Бухорино се запишани 386 жители, кои во 1920 г. се намалиле за 328 лица.[2]
Стопанство уреди
Населението произведува жито, тутун, компири и други земјоделски производи. Во помала мера е застапено и сточарството.[2]
Население уреди
Еве преглед на населението во сите пописни години, од 1940 г. до денес:
Година | 1940 | 1951 | 1961 | 1971 | 1981 | 1991 | 2001 | 2011 |
---|---|---|---|---|---|---|---|---|
Население | 284 | 230 | 163 | 128 | 128 | 51 | 79 | 35 |
- Извор за 1940-1991 г.: Т. Симовски, Населените места во Егејска Македонија
Културни и природни знаменитости уреди
Поврзано уреди
Наводи уреди
- ↑ „Попис на населението од 2011 г. Трајно население“. Државен завод за статистика на Грција.
- ↑ 2,0 2,1 2,2 2,3 Симовски, Тодор (1998). Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 334.
- ↑ „Makedonija. Etnografija i statistika - 2.45“. www.promacedonia.org. Посетено на 2023-07-16.
- ↑ Brancoff, D.M. "La Macédoine et sa Population Chrétienne". Paris, 1905, р.273.
- ↑ Σπανός, Κώστας. "Η απογραφή του Σαντζακίου των Σερβίων", in: "Ελιμειακά", 48-49, 2001.