Бруклин девет-девет
Бруклин девет-девет е американска полициска процедурална комедија телевизиска серија создадена од Дан Гор и Мајкл Шур . Целата серија се врти околу Џејк Пералта (Енди Самберг), талентиран но незрел детектив на полицискиот оддел на градот Њујорк детектив во Бруклин измислената 99-та полициска станица, поради што често доаѓа во судир со неговиот претпоставен, сериозниот и строг началник Рејмонд Холт (Андре Браугер). Остатокот од глумечката екипа го сочинуваат Стефани Беатриз како Роза Дијаз, Тери Крус како Тери Џефордс, Мелиса Фумеро како Ејми Сантјаго, Џо Ло Труглио како Чарлс Бојл, Челси Перети како Џина Линети, Дирк Блокер како Мајкл Хичкок и Џоел Мекиннон Милер како Норм Скали.
| Бруклин девет-девет | |
|---|---|
| Жанр | комедија, сатира, ситком |
| Создадена од | Дан Гор Мајкл Шур |
| Улоги | Енди Самберг Стефани Беатриз Тери Крус Мелиса Фумеро Џо Ло Труглио Челси Перети Андре Браугер Дирк Блокер Џоел Мекиннон |
| Тематски композитор | Дан Мароко Жак Слејд Ламар Ван Шивер Френк Гринфилд |
| Земја на потекло |  САД |
| Бр. на сезони | 8 |
| Бр. на епизоди | 153 |
| Производство | |
| Времетраење | 21–23 мин. |
| Прикажување | |
| Првична мрежа | Фокс (Сезона 1-5) Ен-Би-Си |
| Првпат прикажана во | 17 септември 2017 |
| Првично прикажување | 2017 – сè уште |
| Мрежна страница | nbc.com/brooklyn-nine-nine |
Создадена како комедија снимана со една камера, ФОКС првично нарача 13 епизоди за својата прва сезона, на крајот проширувајќи ја на 22 епизоди. Премиерата на Бруклин девет - девет беше на 17 септември 2013 година. На 10.05.2018 година, ФОКС ја откажа серијата по пет сезони. Следниот ден, Ен-Би-Си ги откупи правата за шестата сезона. Премиерно беше емитувана на Ен-Би-Си на 10 јануари 2019 година. Седмата сезона беше премиерно прикажана во февруари 2020 година, а премиера на осмата сезона треба да се одржи во 2021 година.
Серијата е пофалена од критичарите за нејзината екипа, особено Самберг и Браугер. Добитник е на две награди „Еми“ за креативни уметности и награда „ Златен глобус“ за најдобра телевизиска серија - мјузикл или комедија . Самберг е добитник на награда Златен глобус за најдобра машка улога - Телевизиски мјузикл или комедија, додека Браугер е номиниран за четири „Еми“ награди за најдобра споредна машка улога во хумористична серија и е добитник на две телевизиски награди од критичарите за најдобра споредна машка улога во серија комедија. Серијата доби и посебна пофалба за претставување на сериозни проблеми, додека го задржува чувството за хумор. За претставувањето на ЛГБТ луѓето, серијата ја освои наградата на ГЛААД МЕДИА за извонредна хумористична серија.
Премиса уреди
Сместена во измислената 99-та станица на полицискиот оддел во Бруклин, Бруклин девет-девет следи тим детективи на чело со премногу сериозниот, новоназначен капетан Рејмонд Холт. Детективите ги вклучуваат Јејк Пералта, кој има голема стапка на успешно апсење и разрешени случаи, и покрај неговиот релаксиран, безгрижен и (на моменти) детски однос. На крајот паѓа на неговата бубаличеста, секогаш по прописи, но саклива партнерка Ејми Сантјаго. Вредниот, но плашлив Чарлс Бојл е партнер со апатичната, агресивна и застрашувачка Роза Дијаз. Парот постари детективи, Мајкл Хичкок и Норм Скали, честопати изгледаат неспособни, глупави и мрзливи, но со текот на годините решиле повеќе случаи, едноставно затоа што биле на работа многу подолго.
Детективите поднесуваат извештаи на наредникот Тери Џефордс, нежен џин, посветен семеен човек, кој првично има фобија да се врати на терен од страв да не биде убиен за време на службата и да ги остави своите деца без татко. Во станицата е вклучена и саркастичната и доминантна цивилна администраторка Џина Линети, која не ја сака својата работа, го планира својот живот околу друштвените мрежи и се фокусира на танцување како животна цел.
Улоги и ликови уреди
Енди Самберг како Џејк Пералта
- Стефани Беатриз како Роза Дијаз
- Тери Крус како Тери Џефордс
- Мелиса Фумеро како Ејми Сантјаго
- Џо Ло Труглио како Чарлс Бојл
- Челзи Перети како Џина Линети (сезони 1-6)
- Андре Браугер како Рејмонд Холт
- Дирк Блокер како Мајкл Хичкок
- Џоел Мекинон Милер како Норм Скали
Развој и продукција уреди
Сценаристите и продуценти Мајкл Шур и Ден Гор, кои се познаваа уште од студентски денови на Универзитетот Харвард и соработуваа на ситкомот „ Паркови и рекреација“, ја добија идејата да постават комедија во полициска станица, тие сметаа дека недоволно се користи во телевизиските комедии уште од Барни Милер. Тие ја изнесоа идејата до продуцентската куќа Универзал, каде Шур имаше договор за соработка. Иако Универзал потпиша договор за снимање на серијата, мрежата на нејзината матична компанија, Ен-Би-Си, ја прекина соработката, па дуото ја продаде на радиодифузната компанија Фокс[1].
Фокс нарача 13 епизоди за ансамбл комедија со една камера во мај 2013 година. Серијата беше закупена за цела сезона од 22 епизоди во октомври 2013 година, а подоцна беше избрана да се емитува со ситкомот Нова девојка во „специјален едночасовен настан за комедија“ како водечки програми за Супер Боул XLVIII . Снимена е во студиото ЦБС во Студио Сити, Лос Анџелес. Надворешниот изглед на измислената 99-та полициска станица е вистинската зграда на 78-та полициска станица во Бруклин.
Фокс ја откажа серијата по пет сезони во мај 2018 година. Преговорите за оживување на серијата за шеста сезона започнаа кратко потоа со ТБС и Ен-Би-Си, како и со стриминг услугите Хулу и Нетфликс[2]. Откако обожавателите започнаа кампања на друштвените мрежи, повикувајќи на обновување, Гор објави дека Ен-Би-Си ја презема шестата сезона од серијата, опфаќајќи тринаесет епизоди 30 часа по откажувањето. Во изјавата, претседателот на Ен-Би-Си, Роберт Гринблат изрази жалење што првично ја предаде серијата на Фокс и беше „воодушевен“ од нејзиното додавање во мрежата. Потоа беше објавено дека серијата ќе има премиера во средината на телевизиската сезона 2018-19. Во септември, мрежата нареди да се снимат дополнителни пет епизоди за сезоната 6, со што нарачката достигна до 18. Шестата сезона беше премиерно емитувана на Ен-Би-Си на 10 јануари 2019 година. Перети, кој ја толкува цивилната администраторка Џина Линети, замина од серијалот во текот на сезоната, но се врати на гостување.
Во февруари 2019 година, Ен-Би-Си ја обнови серијата за седма сезона, проследено со продолжување на осмата сезона во ноември пред емитувањето на седмата. Седмата сезона беше премиерно прикажана на 6 февруари 2020 година, а заврши на 23 април. Во јуни, Крус рече дека планираната насока на осмата сезона се менува како одговор на убиството на Џорџ Флојд, со што Гур откажа четири „подготвени за емитување“ епизоди. Самберг исто така изјави дека серијата ќе „воспостави рамнотежа“ помеѓу решавањето на полициската бруталност и одржувањето на нејзиниот комичен стил. Исто така, ќе се вклучи пандемијата предизвикана од КОВИД-19 во текот на сезоната. Иако првично беше најавено како дел од есенскиот распоред на Ен-Би-Си, емитувањето на премиерната осма сезона беше најавена за 2021 година поради пандемијата.
Адаптација на француски јазик во Канада уреди
Адаптацијата на француски јазик на серијата, насловена Ескуад 99 , дебитираше на платформата за стриминг во Квебек, Клуб Илико во 2020 година. Сместена во Квебек, Ескуад 99 има буџет од 4 милиони за првата сезона на серијата, што е приближно ист буџет од една епизода на Бруклин девет - девет. По објавувањето на првиот трејлер, Фумеро го критикуваше кастингот, поточно оние на белите глумици во улогите засновани на Ејми Сантјаго и Роза Дијаз.
Наводи уреди
- ↑ D'Alessandro, Anthony (June 3, 2014). "EMMYS Q&A: 'Brooklyn Nine-Nine' Co-Creator Michael Schur On Comedic Cops". Deadline Hollywood. Retrieved May 11, 2018.
- ↑ Andreeva, Nellie (May 10, 2018). "'Brooklyn Nine-Nine' May Find New Home; Hulu, Others Eye Fox Comedy Amid Massive Outpouring After Cancellation". Deadline Hollywood. Retrieved May 11, 2018.