Александар Урдаревски
Александар Урдаревски, познат како Станко или Санде, (20 јануари 1920 во Чучер, Скопско — 1 февруари 1943 во Липљан, Косово) — македонски партизан, борец за слобода на Македонија, македонски комунист и учесник во НОБ.[1] Прогласен е посмртно за народен херој во 1951 година. Неговото родно село е именувано „Чучер-Сандево“ по него.
| Александар Урдаревски | ||
 | ||
| Роден на | 1920 година | |
| Роден во | Чучер, Скопје, Македонија | |
| Починал на | 1 февруари, 1943 година | |
| Починал во | Градец, Косово | |
| Член на КПЈ од | крај на 1939 година
| |
| Во НОВ | Македонија и Србија | |
Животопис уреди
По завршувањето на основното образование во Скопје, завршил средно земјоделско училиште во Неготин и студирал на Земјоделскиот факултет во Белград. Во 1938 година станал член на СКОЈ, а во 1939 година на КПЈ.
Учество во НОБ уреди
По капитулацијата на Југославија во Втората светска војна ги прекинува студиите и се враќа во Скопје. Се поврзал со организацијата на КПЈ во Скопје и работел на организирањето на народно-ослободителното движење во Скопско. Во август 1941 година заминува во Првиот скопски партизански одред. Во 1942 година се бори во Вториот скопски партизански одред, каде што е заменик-командант и командант. Во 1943 командува со Скопско-косовскиот партизански одред. Убиен е во битка со италијанско-албанските чети.[2].
За народен херој бил прогласен на 20 декември 1951 година.[3]
Поврзано уреди
Наводи уреди
- ↑ Стојановски - Цоњче, Бојко (1999). Скопско црногорие: од Бразда до Брњарци - III Книга. Скопје: "Гоце Делчев". стр. 94–95. ISBN 9989-35-022-1.
- ↑ Македонска енциклопедија, МАНУ, Скопје, 2009, стр. 1533.
- ↑ „Народни херои од Македонија“, Наша книга, Скопје, 1973, стр. 397