Љубомир Милетиќ

Љубомир Милетиќ или Милетич (бугарски: Любомир Милетич; Штип, 1 јануари 1863 - Софија 2 јуни 1937) — научник од областа на бугарската и славистичката филологија и историја.

Љубомир Милетиќ
Роден	14 јануари 1863 Штип
Починал	1 јуни 1937  (возр. 74) Софија
Образование	доктор на науки
Занимање	Универзитетски професор, филолог, етнограф
Работодавач	Загрепски универзитет
[уреди на Википодатоците]

Биографија

Роден е во 1863 година во Штип. Татко му Георги Милетиќ е роден во Хабсбуршката Монархија, но потекнува од Одринска Тракија.[1] Во Македонија е учител во Велес, Штип, Кукуш, Струмица, Ваташа. Мајка му Евка Попдаова е од Велес.

Љубомир Милетиќ учи во Нови Сад и Софија, а потоа го завршил средното образование во Загреб. Словенска филологија учи во Загреб и Прага. Докторира во Загреб (1888). Работи како професор на Катедрата по словенска филологија на Софискиот универзитет “Св. Климент Охридски” (1892 - 1934). Тој е еден од основачите на Вишата школа во Софија (Софискиот универзитет) и активен член (од 1898) на Бугарското книжевно друштво (Бугарска академија на науките). Бил и ректор на Софискиот универзитет (1921) и претседател на Бугарската академија на науките (1926 - 1937).

Милетиќ е поддржувач на бугарскиот став за националната припадност на Македонците. Активно учествува во основањето на Македонскиот научен институт (МНИ) во Софија, чија основна задача е прибирање, обработка и објавување материјали за Македонија. Уредник е на списанието "Македонски преглед".

Милетиќ ги има редактирано и објавено спомените на бројни македонски револуционери, а на неписмените борци (Никола Митрев-Езерски) самиот тој им ги запишувал со своја рака.

Објавени дела

• “Старобългарска граматика с упражнения, текстове из старобългарските паметници и речник” (1888)
• “O članu u bugarskom jeziku” (Загреб, 1889)
• “Старото българско население в Североизточна България” (1902)
• “Das Ostbulgarische” (Виена, 1903)
• “Die Rhodopemundarten der bulgarischen Sprache” (Виена, 1911)
• “Документи за антибългарския действия на сръбските и гръцките власти в Македония през 1912 - 1913 г.” (София, 1929) (Онлаjн издание)

Надворешни врски

• Љубомир Милетич (1863-1937) од Далибор Јовановски. Филозофски факултет - Скопје, 2015. (македонски)
• "Разорението на тракийските българи презъ 1913 година", Българска академия на науките, София, Държавна печатница, 1918 г.; II фототипно издание, Културно-просветен клуб "Тракия" - София, 1989 г., София.
• "Движението отсамъ Вардара и борбата съ върховистите по спомени на Яне Сандански, Черньо Пеевъ, Сава Михайловъ, Хр. Куслевъ, Ив. Анастасовъ Гърчето, Петъръ Хр. Юруковъ и Никола Пушкаровъ; съобщава Л. Милетичъ", София, Печатница П. Глушковъ, 1927, поредица "Материяли за историята на македонското освободително движение", Издава "Македонскиятъ Наученъ Институтъ", Книга VII.
• "Дако-ромъните и тяхната славянска писменость. Часть II. Нови влахо-български грамоти отъ Брашовъ", Сборникъ за Народни Умотворения, Наука и Книжнина, книга XIII, София, 1896, стр. 3—152.
• Виктор Цветаноски, "Македонците крем на бугарското општество" (7), "Македонската борба пренесена од штипјанецот Милетич", "Утрински весник", број 2863, вторник, 16 декември 2008.