'''Дипломат''' е официјален државен служител, кој располага со неопходните права и овластувања, кој користи општо-прифатени олеснувања, имунитет и привилегии да ја извршува дипломатската дејност за реализација на надворешната политика и реализација на односите со други држави.
Во литературата дипломатот обично се представува како умен, искусен, потаен човек. Тој е воспитан, комуникативен, со пријатен изглед и секогаш го следи успех. Од повеќето определувања и оценки за дипломатот има пофални и сатирични, добронамерни и иронични, сериозни и наивни. Во Древна [[Кина]] дипломатите биле највнимателно избирани - секогаш биле од аристократско потекло, благородни мажи натоварени со одговорност и доверба. Во Древна [[Грција]] се тврдело дека искусниот дипломат вреди повеќе од искусниот генерал. Додека [[Оскар Вајлд]] сметал дека дипломатите се од корист само да ги снабдуваат своите пријатели со подобар тутун.
