Доминат: Разлика помеѓу преработките

Називот доминат е изведен од [[латински јазик|латинскиот]] збор ''доминус'' (= “господар“), кој првобитно се поврзувал за односот меѓу [[роб]]от и неговиот сопственик. Тој назив пејоративно бил користен за некои цареви, почнувајќи од Јулиевците-Клавдијците, но не бил официјална титула. Некои цареви, како на пример [[Тибериј]], искрено го преѕирале. Меѓутоа, во периодот на [[Диоклецијан]] оваа титула станала сосема вообичаена, па овој цар и се смета за основач на доминатот како систем на државна управа.

 

Првата фаза на уредување на царската власт, позната под името принципат, која ја карактеризирало формално постоење на сите поранешни републикански уставни институции и обичаи, завршила со кризата во III век (235-284 г.). Таа криза е завршена со стапувањето на прњстолот на царот Диоклецијан, кој улогата и положбата на римскиот цар ја изместил од формалната структура на старите републикански установи, што постоела во текот на првите три века на царството. Тој вовел нов систем на владеење на четворица, т.н. [[тетрархија]]. Исто така, тој ја отфрлил титулата принцепс и отворено го усвоил монархистичкото однесување кон државничките службеници и сите свои поданици.

 

Меѓутоа, историчарите на [[Доцна антика|доцната антика]] негираат дека преминот од принципат на доминат претставувал некаков остар рез во историјата на [[Римско царство|Римското царство]]. Всушност, тие сметаат дека се работело за постепена трансформација во рамките на реформата на [[Диоклецијан]], која иако била значајна, претставувала само еден од елементите во таа преодна фаза.

 

{{reflist}}

 

[[Категорија:Римска Империја]]

 

[[bg:Доминат]]

[[cs:Dominát]]

[[de:Dominat]]

[[eu:Dominatua]]

[[fr:Dominat]]

[[it:Dominato (storia romana)]]

[[ka:დომინატი]]

[[lt:Dominatas]]

[[nl:Dominaat]]

[[no:Dominatet]]

[[pl:Dominat]]

[[ro:Dominate]]

[[ru:Доминат]]

[[sh:Dominat]]

[[sv:Dominatet]]

[[tr:Dominatus]]