Пантеон (Рим): Разлика помеѓу преработките

 

'''Пантеонот''' во Рим (од грч. Πάνθειον = за сите богови) е една од најдобро сочуваните монументални згради од антиката. Изграден е во 125. год. и оттогаш е во постојана употреба. Првобитно бил изграден од Маркус Агрипа, конзул на Рим, во 27.г.п.н.е., но по уништувањето од пожар во 80.г., бил целосно обновен од императорот Хадријан во 125. година од новата ера. Со сигурност не се знае дали Пантеонот навистина служел како храм на сите божества или само за некои од нив.

 

Пантеонот е огромна градба, која се состои од влезен правоаголен дел кој се потпира на колонада од столбови, и главен цилиндричен дел покриен со купола. На врвот куполата е отворена, отворот е со дијаметар од 6м, и кога врне дождот паѓа во храмот. Висината на куполата е 43,3м, исто како и нејзината ширина. Огромната бронзена порта на влезот е оригинална, од античко време. Во своето време, Пантеонот бил импозантна градба, и бил инспирација за градителите во ренесансата од 13.-14. век кога за првпат се направени и поголеми градби.