Битка кај Куманово (1912): Разлика помеѓу преработките

Потоа, околу 10.30 часот на помош на [[Дунавска дивизија од првиот повик|Дунавската дивизија од првиот повик]] ѝ пристигнала [[Дунавска дивизија од вториот повик|Дунавската дивизија од вториот повик]]. [[Дринска дивизија|Дринската дивизија]] го продолжила настапувањето и со поддршка на артилериски оган ја принудила [[17. низамска дивизија]] на отстапување. Околу 12.30 часот, Дринската дивизија го зазела [[Ѕебрњак]] и го продолжила настапувањето кон [[Голем Рид|Големиот Рид]], загрозувајќи го левото крило на 5. корпус. Со овој напад бил пробиен фронтот на турската [[Вардарска армија]]. Околу 15 часот почнале да се повлекуваат сите турски дивизии, што значело дека Кумановската битка била завршена. Таквиот исход српската [[Врховна команда]] не го знаела. Таа и понатаму претпоставувала дека главниот судир ќе се води на [[Овче Поле]]. Поради тоа, наместо да го продолжат гонењето, српските сили напредувале само до караулата [[Бучар Хан]] кај село [[Бучинец]], на околу 15 км од Куманово кон [[Скопје]], каде што се сместил штабот на Првата. армија и подготвувала план за опколување и освојување на Скопје.

 

 

[[Зеки-паша]] ги прекинал натамошните напади и наредил Штипската редифска дивизија (од армиската резерва) да је премине [[Пчиња (река)|Пчиња]] и да изврши опфат на левото крило на Дунавската дивизија преку Сртевица, а 7. корпус да изврши посилен демонстративен напад кон десното крило на Првата. армија. Српската команда ги насетила намерите на [[Зеки-паша]] и навреме упатила соодветни сили да ги спречат турските пробиви. Ноќта на 23-24 октомври двете страни останале на позициите близу едни до други. Додека на левото крило се воделе жестоки борби, истиот ден на десното крило коњаничкиот полк на Моравската дивизија од Првиот повик при извидувањето на правецот село [[Ваксинце]]-село [[Слупчани]] бил нападнат со силен оган од артилеријата на турскиот 7. корпус, па морал да се повлече. Поради тоа, Моравската дивизија ги зазела позициите. Таа добила наредба да остане во одбрана, меѓутоа околу 16 часот самоиницијативно извршила противнапад.