Борис Џонсон

Александер Борис де Фефел Џонсон (на англиски: Alexander Boris de Pfeffel Johnson; роден на 19 јуни 1964 година во Њујорк, САД), попознат како Борис Џонсон (на англиски: Boris Johnson) — британски политичар и писател кој е премиер на Обединетото Кралство и лидер на Конзервативната партија од јули 2019 година. Џонсон бил шеф на дипломатијата на Обединетото Кралство од 2016 до 2018 година, а од 2008 до 2016 година бил градоначалник на главниот град Лондон. Во британскиот парламент, тој е пратеник на изборната единица Аксбриџ и Јужен Руислип од 2015 година, а претходно бил пратеник на изборната единица Хенли од 2001 до 2008 година. Џонсон се истакнал во кампањата за напуштање на Европската унија (Брегзит) за време на референдумот во Обединетото Кралство во 2016 година.

Официјален портрет на Борис Џонсон како премиер на Обединетото Кралство, 2019 г.