Авиокомпанијата беше формирана на 12 Август,август 1994 година под името Air Bosna. Во есента 2003 година, авиокомпанијата ги прекина сите операции поради финансиски проблеми. Остана нефункционална до мај 2004 година, кога советот на министри вети да ја оживее повторно авиокомпанијата. Во јуни 2005 година, тие ги рестартираа операциите под името B&H Airlines, и флотата ја сочинуваа два АТР-72 авиони. Имаше неколку понуди за купување на нови, поголеми авиони, со кои авиокомпанијата ќе може да лета и на одредишта подолги од сегашните со авионите од типот АТР-72, како на пример Скандинавскиот полуостров, каде постои голем заедница од БиХ. Авиокомпанијата планира да го зголеми бројот на летови од втората база, аеродромот во Бања Лука, но ова може да се случи само со зголемување на флотата. Летови од и до Мостар беа намалени поради малиот број на патници. Летовите до Загреб беа зголемени од 14 на 18 неделно, како и до Белград од 7 на 8 летови неделно.
