Анатомија и технички својства на дрвото: Разлика помеѓу преработките

Тие по форма се различни елементи кои варираат по својата должина и ширина, како и по бројната застапеност на едните во однос на другите. Елементите на градба на дрвото се така диференцирани што едни служаат за физиолошки функции, а други за механички функции во живото стебло. Едните се протегаат паралелно со надолжната оска на деблото, а другите нормално на надолжната оска. Првите ги сочинуваат елементите на надолжниот(аксијаленосен), а вторите елементи на напречниот(радијален) систем. Сите видови на дрво не се изградени од исти елементи, односно ист вид на клетки. Дрвото на четинарите е изградено од трахеиди и паренхим. Лисјарите се со посложена градба и се составени од трахеи, трахеиди, дрвени влакненца и паренхим.

Основните елементи на градбата на дрвото кај четинарите се трахеидите, а најмасовно се застапени надолжните(аксијалниосни) трахеиди. Тоа се прозенхимски клетки, со вретенеста или призматична форма. На краиштата се затворени и обично косо зашилени. Мембраните им се повеќе или помалку задебелени и силно лигнифицирани. На напречниот пресек има четири или шестаголни кои ретко можаат да бидаат и тркалезни.